web counter
LEXO PA REKLAMA!

SHKARKO APP

App Store
Google Play

Turi çiklistik i Shqipërisë 2026/ Tirana e paralizuar për një ditë, policia plan masash

17 Maj 2026, 14:14, Aktualitet CNA

Turi çiklistik i Shqipërisë 2026/ Tirana e paralizuar për

Nga data 18 deri më 22 maj, Shqipëria do të presë Turin e 83-të Çiklistik Ndërkombëtar, një event masiv sportiv i ndarë në 5 etapa ku do të marrin pjesë skuadra nga vendi, Ballkani dhe Europa.

Për të garantuar sigurinë e çiklistëve dhe mbarëvajtjen e garës, Policia e Shtetit ka hartuar një plan të posaçëm masash që parashikon bllokimin e përkohshëm të rrugëve kryesore urbane dhe autostradave.

Etapa e parë nis këtë të hënë në orën 12:00 nga Sheshi "Skënderbej" në Tiranë për të vijuar përmes autostradës drejt Thumanës, Milotit, Rrëshenit dhe me finish në Lezhë; etapat pasuese do të përshkojnë segmentet Lezhë-Elbasan, Elbasan-Vlorë përmes Belshit e Fierit, qarkun e Vlorës përmes Tunelit të Llogarasë e Himarës, dhe do të përmbyllen më 22 maj me etapën Vlorë-Fier.

Autoritetet u bëjnë thirrje qytetarëve dhe drejtuesve të mjeteve të shmangin këto akse gjatë orareve të garës dhe të përdorin rrugët alternative për të shmangur trafikun. /CNA





Lajmet e fundit nga