web counter
LEXO PA REKLAMA!

SHKARKO APP

App Store
Google Play

E fundit!

x

"PS dhe PD në muaj mjalti"/ Kapri: U dakordësuan për një rezolutë fiktive

16 Maj 2026, 18:55, Aktualitet CNA

"PS dhe PD në muaj mjalti"/ Kapri: U dakordësuan për

Deputeti i Partisë Mundësia, Erald Kapri ka folur ditën e sotme lidhur me rezolutën mbi integrimin europian, të miratuar në seancën plenare të 14 majit.

Në një dalje televizive, Kapri e cilësoi rezolutën si fiktive, ndërsa shtoi se Partia Mundësia, nuk ishte ftuar për të qenë pjesë e rezolutës as nga PD dhe as nga PS. Ndër të tjera e cilësoi këtë dakordësi mes mazhorancës dhe PD-së si “muaj mjalti” dhe kjo sipas tij shihet te mënyra e negocimit për Kodin Zgjedhor dhe te dëgjesat për Reformën Territoriale.

“Ka shumë çështje për të mos marrë pjesë në këtë rezolutë që ne e konsideruam fiktive për mënyrën se si u bë. U bë në mënyrë rekord nga PD-ja dhe PS-ja, u mblodhën me njëri-tjetrin, në nuk është se na ftuan. Rezoluta është kaq sipërfaqësore, sa tregon në vetvete se nuk do të sjellë një ndryshim të madh politik. Kanë një muaj mjalti mes PD dhe PS, dhe kjo vërehet dhe te mënyra se si po negociojnë për Kodin Zgjedhor edhe të dëgjesat për “Territorialen”. Dhe mesa duket edhe për këtë çështje që qeveria ka pasur një siklet shumnë të madh për integrimin, PD-ja i dha një dorë për këtë”, tha deputeti.

Ndërkohë i pyetur se përse nuk votoi kundër kësaj resolute, Kapri tha se i qëndron parimit pro integrimit të vendit në Bashkimin Europian.

“Nuk e votuam kundër, sepse i qëndrojmë parimit që jemi pro integrimit. Në vetvete qëllimi i rezolutës kjo është që afirmon të gjithë vullnetin otnë politik për tu integruar në BE. Çështja është se si. Dhe nëse në këtë rezolutë nuk reflektohej shqetësimi i vendeve eruopiane për çështjen Balluku, ajo është fiktive. Ne mendojmë që PD nuk duhet ta kishte votuar këtë rezolutë”, u shpreh Kapri.

Projektrezoluta mbi integrimin europian u votua nga deputetët me 114 vota pro, 1 abstenim dhe asnjë votë kundër. Në rezolutë theksohet se mazhoranca dhe opozita angazhohen për forcimin e dialogut politik. Gjithashtu kërkohet përshpejtimi i reformës zgjedhore sipas rekomandimeve të OSBE/ODIHR dhe Komisionit të Venecias, për garantimin e zgjedhjeve të lira e të barabarta.

Ndër të tjera kërkohet përforcimi i përpjekjeve dhe konsolidimi i rezultateve konkrete në luftën kundër korrupsionit të nivelit të lartë dhe krimit të organizuar, duke garantuar mbështetje të plotë për institucionet përkatëse dhe zbatimin e kërkesave të Bashkimit Europian. /CNA





Lajmet e fundit nga