web counter
LEXO PA REKLAMA!

SHKARKO APP

App Store
Google Play

E fundit!

x

Berisha shigjeton “interesin erotik” të Ervin Salianjit: Në emisione u bëjnë tualete kriminelëve të damkosur

16 Maj 2026, 12:54, Aktualitet CNA

Kreu i PD-së, Sali Berisha, ka deklaruar se në emisione televizie po u bëhet tualet kriminelëve të damkosur, duke përligjur krimin dhe vjedhjen.

Deklarata e Berishës vjen në një kohë kur pak ditë më parë në emisionin e Grida Dumës, ishte e ftuar ish-drejtoresha e AKSHI-t, Mirlinda Karçanaj.


“Kjo është dëshmi e kriminalizmit të mediave të kontrolluara nga qeveria. Të bësh retushin, tualetin e Lubi Ballukut, e Edi Ramës, e Karçanajt, drejtoreshë e tenderëve ku njerëzit merreshin peng, do të thotë të jesh më kriminel se ata.

Do të thotë se mafia e fjalës së lirë është mafia më e rrezikshme e kësaj toke. Me këto emisione duan me çdo kusht të përligjin krimin dhe vjedhjen. Rama lufton të bëjë ligje në Parlament për t’i mbrojtur, në studio televize shpall pafajësi e u bën tualete kriminelëve të damkosur duke dëshmuar një tentativë për të dëmtuar shoqërinë. Kjo është dëshmi e kapjes së mediave nga qeveria dhe shndërrimin e tyre në mafie”, tha Berisha.


Grida Duma, “interesi erotik” i Ervin Salianjit, përdori pak kohë më parë emisionin e drejtuar prej saj për të ngritur tezën e Salianjit se deputetët e PD-së nuk shkuan te pallati i djegur në zonën e Farmacisë 10 në Tiranë, madje krijoi dhe një përplasje me Alfred Lelën duke e përzënë nga studioja.
Sipas Berishës, tani duke përdorur emisionet duan të mbrojnë kriminelët e damkosur./ CNA

 





Lajmet e fundit nga