web counter
LEXO PA REKLAMA!

SHKARKO APP

App Store
Google Play

E fundit!

x

Shëndetësia e boratit si lojë "topash"

16 Maj 2026, 21:08, Aktualitet CNA

Shëndetësia e boratit si lojë "topash"

Mjeku Erion Dasho ka bërë një reagim në rrjetet sociale lidhur me emërimin e ish-deputetit Ilir Topi në krye të Fondit të Sigurimit të Detyrueshëm të Kujdesit Shëndetësor.

Dasho shprehet se ky është një nga emërimet e radhës “të turpshme” më atë që sipas tij duhej të ishte stafi i ngushtë i reformës së ministres së Shëndetësisë, Evis Sala.

Ai thotë se për bluzat e bardha emri i tij nuk thotë asgjë për mjekësinë, ndërsa shton se edhe fati i Topit mund të jetë i njëjtë me atë të parardhësit të tij, Arti Papajanit.

Dasho shkruan se vetë ministrja Sala e cila sipas tij, prej 8 muajsh në detyrë ka pasur vetëm premtime boshe dhe asnjë masë apo strategji konkrete, mund të largohet për t’i liruar vendin, atij që mjeku e quan “topi i radhës”.

Reagimi i plotë: 

SHËNDETËSIA E BORATIT SI LOJË "TOPASH"

Me emërimin e ish-deputetit Topi në krye të FSDKSH-së, vazhdojnë emërimet e turpshme në atë që duhej të ishte stafi i ngushtë i reformës së ministres Sala.

Ndërsa për produktin politik, mund ta gjykojnë kolegët e ish-kolegët deputetë, për bluzat e bardha, emri i Ilir Topit nuk thotë asgjë, një anonim perfekt!

Parashikimi është që sikundër Papajani që erdhi dhe iku pa ju ndjerë zëri, edhe Topi, me shumë gjasa, do të ketë të njëjtin fat.

Ndërkohë, as ministrja Sala nuk është në ndonjë pozicion më komod. Tetë muaj në detyrë dhe prej saj qytetarët nuk kanë dëgjuar ndonjë artikulim politikash, strategjish apo masash operacionale. Vetëm premtime boshe, të palidhur njëri me tjetrin dhe, së fundi, edhe demagogji e pastër.

Nuk është çudi që edhe vetë Sala të shkojë pas Papajanit për t'i hapur rrugën "topit" të radhës... /CNA





Lajmet e fundit nga