web counter
LEXO PA REKLAMA!

SHKARKO APP

App Store
Google Play

E fundit!

x

Topalli ‘i hakërrehet’ kryetares së Kuvendit/  Nuk i cakton ti deputetët, doni të vrisni opozitën

21 Dhjetor 2022, 16:52, Aktualitet CNA
Topalli ‘i hakërrehet’ kryetares së Kuvendit/  Nuk i
Anëtarja e Kryesisë së PD-së, Jozefina Topalli

Anëtarja e Kryesisë së PD-së, Jozefina Topalli, ka reaguar për tensionet në Kuvend që kanë nisur për shkak të përjashtimit të disa deputetëve nga grupi parlamentar i PD-së.

Me anë të një statusi në rrjetet sociale, Topalli thotë se nuk ka ndodhur kurrë më parë që kryetarja e Kuvendit të caktojë se kush është grup parlamentar e kush jo.

Ajo thekson se ndërhyrja e mazhorancës për t’i mbyllur gojën opozitës është gjëja më antodemokratike, pasi pretendon se ka si qëllim vrasjen e opozitës.

“Po shoh seancën plenare…

Kurrë nuk ka ndodhur që Kryetari i Kuvendit të caktojë se kush është grup parlamentar e kush jo; kush është në grup parlamentar e kush jo; kush është me PD e kush nuk është.

Kush deputet duhet të flasë e kush jo;

Seancën parlamentare e drejton vetëm Rregullorja e Kuvendit. E rregullorja ka të qartë si dhe Kushtetuta se mazhoranca nuk cakton opozitën.

E ka të qartë se një deputet është i pavarur kur ai ka dëshirë të jetë i pavarur, e jo kur do Kryeministri apo shërbëtorët e tij .

Ndërhyrja e mazhorancës për t’i mbyllur gojën opozitës është gjëja më antodemokratike me qëllim vrasjen e opozitës e vazhdimin e teatrit me ndonjë deputet fals!”, nënvizon ajo./ B.A. – CNA.al





Lajmet e fundit nga