web counter
LEXO PA REKLAMA!

SHKARKO APP

App Store
Google Play

E fundit!

x

Historiani: Messi me origjinë arbëreshë, familja e tij nga Gjirokastra me mbiemrin Meksi

21 Dhjetor 2022, 09:33, Aktualitet CNA
Historiani: Messi me origjinë arbëreshë, familja e tij nga
Lionel Messi

Historiani Naim Flamuri ka folur mbi origjinën e futbollistit të njohur botërisht, Lionel Messi, duke thënë se është me origjinë arbëreshë dhe sipas tij kjo është e faktuar me dokumente.

Gjatë një lidhjeje direkte në emisionin “Good Morning Albanians” në "Euronews", Flamuri u shpreh se shumë familje arbëreshe kanë emigruar nga Italia drejt Argjentinës, një prej tyre edhe familja e Messit, duke theksuar se familja e tij ishte me origjinë nga Gjirokastra, me mbiemrin Meksi.

 “Ne kemi në Argjentinë, mos harroni, grupimin më të madh apo emigrimin më të madh të italianëve, pra, nga Italia që kanë migruar në Argjentinë, janë mbi 25 milionë, ose 65% e popullsisë së Argjentinës. Prej 45 milionë popullsi që ka Argjentina, 25 milionë janë italianë dhe shumë prej tyre ne kemi edhe arberëreshë të Kishës Ortodokse që ndodhen në Argjentinë. Të gjitha këto studime janë të bëra mirë, me argumente. Ne nuk po mburremi me njerëz që janë gjaku ynë, pse mos t’i themi që janë gjaku ynë, sepse të huajt e marrin dhe e bëjnë të tyrin.

Ne e kemi tonin dhe e lëmë në harresë. Këto janë familje stradiote, stradiot do të thotë kalorës, që vinin veçanërisht nga Shqipëria që ishin në udhëheqjen e ushtrisë veneciane në shekujt 14 dhe 15. Ndërmjet tyre ka familje të njohura që kanë emigruar nga Italia dhe ndërmjet tyre ishte edhe familja e Messit, e kemi të njohur me emrin Meksi. Tani është folur për origjinën e së ëmës, e cila është shqiptare. Messi ka përmendur që mund të ketë origjinë shqiptare", theksoi ai.





Lajmet e fundit nga