web counter
LEXO PA REKLAMA!

SHKARKO APP

App Store
Google Play

E fundit!

x

Hekurudha Vorë – Han i Hotit/ Zbulohet sa do të kushtojë projekti

20 Dhjetor 2022, 17:42, Aktualitet CNA
Hekurudha Vorë – Han i Hotit/ Zbulohet sa do të kushtojë
Foto ilustruese

Punimet për linjën hekurudhore Tiranë-Rinas-Durrës vijojnë ndërkohë që brenda pak vitesh pritet që të linjë tjetër hekurudhore moderne të lidhë Vorën me Hanin e Hotit.

Drejtori i Përgjithshëm i Hekurudhave, Gentian Liko është shprehur për mediat se vlera e këtij projekti do të jetë 267 milionë euro duke theksuar se 133.4 milionë euro do të vijnë në formë granti nga Bashkimi Europian dhe se punimet priten të fillojnë në vitin 2024.

 “Vlera e këtij projekti është 267 milionë Euro. 133.4 milionë Euro kanë ardhur në formë granti nga Bashkimi Europian, pjesa tjetër financohet nëpërmjet një kredie të butë nëpërmjet donatorëve që janë BERZH dhe BEI punimet pritet të fillojnë në fillim të vitit 2024”, tha Gentian Liko.

Ndër të tjera ai theksoi se projekti do të ndjekë të njëjtën gjurmë me linjën ekzistuese, por do të bëhet një zgjerim i transesë  që do të rrisë sigurinë, dhe do të sjellë edhe një shpejtësi më të lartë lëvizje.

“Gjurma do të jetë e njëjta, do të fillojë nga Vora dhe do të shkojë në lidhjen kufitare të Malit të Zi. Traseja është zgjeruar dhe ndodhet në 6.5 metra. Gjatësia e linjës është 120 kilometra dhe do të ketë gjithsej 12 stacione. Shpejtësia e projektuar është 120 kilometra në orë”, theksoi Liko.

Më tej Drejtori i Përgjithshëm i Hekurudhave tha se Linja hekurudhore Vorë – Han i Hotit do të shërbejë për transportin e udhëtarëve dhe mallrave.

Stacionet sipas tij do të jenë po në të njëjtat vende.

“Si vendndodhje do të qëndrojmë në stacionet ekzistuese. Do të jenë stacione moderne që do të kenë brenda tyre edhe pjesën e sinjalistikës edhe të telekomunikacionit.74 do të jenë kalesat e autorizuara përgjatë linjës hekurudhore Vorë – Han i Hotit, të gjitha të tjerat do të mbyllen", theksoi ai.

Linja hekurudhore Vorë – Han i Hotit, sot është pjesërisht jashtë funksionit dhe shërben vetëm për transportin e mallrave nga Gjormi drejt Malit të Zi.Prej tërmetit të viti 2019, ura e Ishmit u dëmtua, duke nxjerrë jashtë funksionit disa stacione./ CNA.al





Lajmet e fundit nga