Denoncon gazetari/ Qindra mijëra euro për të shpallurin në kërkim për inceneratorin e Tiranës

20 Dhjetor 2022, 13:01, Aktualitet CNA

Denoncon gazetari/ Qindra mijëra euro për të shpallurin në

Gazetari Klodian Tomorri

Gazetari Klodian Tomorri ka deklaruar se duhet të bllokohen urgjentisht pagesta për inceneratorin e Tiranës.

Në një reagim, gazetari thotë se pavarësisht se Giuseppe Ciaffaglionen, i cili sipas letrave rezulton pronar me 30 përqind tek koncesioni i inceneratorit të Tiranës, është në kërki, qeveria paguan 330 mijë euro çdo muaj tek llogaria private e tij.

Deklarata e plotë e Klodian Tomorrit

SPAK ka shpallur në kërkim Giuseppe Ciaffaglionen, i cili sipas letrave që kanë bërë keta, rezulton pronar me 30 përqind tek koncesioni i inceneratorit të Tiranës.

Qeveria dhe bashkitë e qarkut Tiranë dhe Durrës i paguajnë çdo muaj 1 milione euro inceneratorit të Tiranës. Nga këto 330 mijë euro-OPEX shkojnë në llogarinë private të Ciaffagliones.

Pra qeveria i thotë Ciaffagliones, urdhëro jote që ti kesh njëherë. Ama po të kapa do të fus në burg. A ka çmenduri më të madhe se kjo?

Kur dolën këto historitë e Zotos dhe Mërtirit, kompania koncesionare e inceneratorit të Tiranës tha që ne nuk kemi lidhje me këta. I kemi thjesht nënkontraktore dhe nuk mbajmë përgjegjësi nëse ata mund të kenë shkelur ligjin. Po tani që ka rënë pronari me letra brenda, si do e justifikojmë?

Ky zotëria, që u zgjodh kreu i SPAK dhe për të cilin ka shumë pritshmëri, vendimin e parë që duhet të merrte ishte bllokimi i inceneratorit të Tiranës.

Hetimi i fajtorëve dhe atyre që kanë shkelur ligjin është shumë i rëndësishëm. Këta duhet të bllokojnë urgjentisht pagesat për inceneratorin e Tiranës se ajo që ndodh aty është çmenduri.Por me e rëndësishme dhe emergjente aty është të ndalet vjedhja. Sepse njerëzve kjo u intereson, të mos vidhen. Pastaj hetimet për të gjetur fajtorët të vazhdojnë sa të duan.

Tani ose bllokoni pagesat për inceneratorin e Tiranës, ose hajde bëjmë një prokurori tjetër speciale që të hetoje SPAK-un. Se kështu kjo nuk shkon. Pronari në kërkim nga drejtësia, qeveria i çon 330 mijë euro çdo muaj në llogari. Njësoj sikur qeveria italiane të paguante kompanitë e Totto Rinas, kur e kishte në kërkim. Këtë po bëjnë këta. Dhe e gjitha kjo kalon si një gjë normale./ CNA.al