Afera me inceneratorët, kryebashkiaku socialist “lan” duart/ Nën akuzë vartës të tij

20 Dhjetor 2022, 10:31, Aktualitet CNA

Afera me inceneratorët, kryebashkiaku socialist “lan” duart/

Prokuroria e Posaçme kundër Korrupsionit dhe Krimit të Organizuar Tiranë, me datë 19.12.2022 ka paraqitur kërkesën për gjykimin e çështjes penale nr.187 të vitit 2020, për inceneratorin e Fierit, në ngarkim të disa të pandehurve.

Sipas SPAK, nga hetimet ka rezultuar e provuar se në procedurën e dhënies së koncesionit dhe në lidhjen e kontratës me objekt “Ndërtimin dhe administrimin e impiantit të trajtimit të mbetjeve të Qarkut Fier dhe prodhimin e energjisë”, nga anëtarët e komisionit Pëllumb Abeshi (Ish Drejtor i Përgjithshëm i Drejtorisë së Politikave të Mjedisit dhe Jetësimit të Prioriteteve në Ministrinë e Mjedisit), Erjon Murataj (Specialist ATRAKO), Sabina Cenameri (Specialiste në Drejtorinë e Mjedisit), në bashkëpunim me Ish Ministrin e Mjedisit Lefter Koka, janë kryer veprime në kundërshtim me nenet 18, 21, 22, 24, 31, 32, të ligjit nr.125/2013 “Për Koncesionet dhe Partneritetin Publik Privat”, i ndryshuar, në kundërshtim me nenet 27, 38 të ligjit nr.9643, datë 20.11.2006 “Për Prokurimin Publik”, i ndryshuar, në kundërshtim me nenin 8 të VKM nr.914, datë 29.12.2014 “Për miratimin e rregullave të prokurimit publik”, i ndryshuar.

Inceneratorët/ Çohet për gjykim grupi i dytë i të akuzuarve
20 Dhjetor, 10:04

Nën akuzë kanë përfunduar edhe disa zyrtarë të Bashkisë, Fier, si Azem Shatëri (Drejtor i Ndërmarrjes së Pastrimit në Bashkinë Fier), Florjan Muçaj (Administrator i Përgjithshëm i Bashkisë Fier), por kreu i Bashkisë, Armando Subashi, është lënë jashtë çështjes.

Kujtojmë se në shkurt të këtij viti, Armando Subashi qëndroi në SPAK pesë orë, ku u mor në pyetje nga prokurorët.

Cila është lidhja e Subashit me inceneratorin e Fierit.

Bashkia e Fierit ka përcaktuar një pronë private për ndërtimin e inceneratorit të Fierit, ndërkohë që kishte në dispozicion toka shtetërore, duke shpenzuar jo pak, por rreth 460 milionë lekë për dëmshpërblime.

Vendi për ndërtimin e inceneratorit ndryshoi 3 herë, nga fshati Plyk, pastaj në Mbyet dhe më pas në Mbrostar.

Dokumentet, që dolën në media treguan se Bashkia e Fierit kishte në dispozicion truall shtetëror, megjithatë vendosi ndërtimin e inceneratorit në tokë private.

Në dokumentet që janë publikuar edhe më herët mediat, poshtë tregohet se ishin 6 mundësi të zgjidhej tokë shtetërore.

Afera me inceneratorët, kryebashkiaku socialist “lan” duart/

Toka private u kompensua në një vlerë prej 460 milionë lekësh.

Afera me inceneratorët, kryebashkiaku socialist “lan” duart/

Në këtë pikë, opozita akuzoi kreun e Bashkisë Fier, Armando Subashi.

Gjatë Komisionit Hetimor për inceneratorët, Subashi tha se “Meqë jemi te meraku i madh se këtu është bërë një dëm ekonomik që është vendosur nga këtu, dhe diku tjetër, them se këtu nuk bëhet fjalë për tokë shtet. Ky impiant do të ndërtohej këtu dhe jo atje. Në total vlera e shpronësimit do të shkonte në mbi 50 milionë lekë. Këtu do të ishte vlera e shpronësimit më e madhe. Kurse këtu ku e kemi është 46 milionë lekë”./CNA.al