web counter
LEXO PA REKLAMA!

SHKARKO APP

App Store
Google Play

Deklarata e Sandër Lleshajt/ Krimi i organizuar është i lidhur me politikën

19 Dhjetor 2022, 22:11, Aktualitet CNA
Deklarata e Sandër Lleshajt/ Krimi i organizuar është i lidhur me
Ish-ministri i Brendshëm, Sandër Lleshaj

Ish-ministri i Brendshëm, Sandër Lleshaj, ka deklaruar mbrëmjen e sotme se politika dhe krimi i organizuar bashkëpunojnë me njëri-tjetrin.

Lleshaj tha në emisionin “Top Story” se krimi në Shqipëri ka nevojë jetike për lidhjet me politikën.

“Patjetër që krimi në Shqipëri dhe kudo që të mbijetojë ka nevojë për shumë burime ushqimi ku edhe lidhja politike nuk mund të përjashtohet. Jo vetëm këtu, por kudo krimi dhe politika komunikojnë me njëri-tjetrin. Fakti që politikanët përfshihen në krim, nuk do të thotë që të dalin të marrin armët.

Krimi ka nevojë për ekonominë, mediat e financat dhe sa herë ta shohim të fortë e të fuqizuar duhet të jemi të qartë se edhe aleatët e tij janë të pranishme. Nuk mund të them që është fuqizuar për arsye se kemi një problem të madh, përqendrohemi tek pjesa e dukshme, por në fakt ka një pjesë të poshtme të ajsbergut, aty ku prodhohet fuqia e krimit.

Unë thashë që sa mund të shprehim opinione lidhur me përmasat ekonomike, është fakt që në përgjithësi institucionet ligjzbatuese dhe policia kanë mangësi të mëdha në këtë drejtim”, theksoi ai./ B.A. – CNA.al





Lajmet e fundit nga