web counter
LEXO PA REKLAMA!

SHKARKO APP

App Store
Google Play

"Përfitoi grant 50 milionë lekë nga fondet për start-up"/ Gentian Progni: Ish-sekretarja e ministres Bilali më mori në telefon

19 Dhjetor 2022, 19:26, Aktualitet CNA
"Përfitoi grant 50 milionë lekë nga fondet për
Eksperti i IT-së, Gentian Progni

Eksperti i IT-së, Gentian Progni ka folur shpjeguar mbrëmjen e sotme denoncimin e bërë disa ditë më parë se ministrja e Sipërmarrjes, Edona Bilali i kishte dhënë ish-sekretares së saj, Kamela Hasko, një grant prej 50 mln lekë, si pjesë e fondeve për start-up.

Progni tha në emisionin e Sonila Meços se këtë denoncim e fshiu nga rrjetet sociale për shkak të një telefonate që Hasko i kishte bërë.

Ai rrëfeu pavarësisht kësaj, kjo nuk e ndalon të flasë për problemin. Eksperti i IT-së theksoi se Hasko punonte për një kompani që kishte bërë auditimin e ish-kompanisë së ministres Bilali, 'AZ Consulting'.

"Zonja mori në telefon, kishte edhe ditëlindjen e vajzës ditën që unë bëra postimin. Ishte shumë e mërzitur. Unë e fshiva për t'i bërë një dhuratë vajzës së saj. Dhe ia thashë që kjo fshirje nuk do të thotë se problemi është zgjidhur dhe problemi nuk ekziston. Ishin dy kompani, edhe e zonjës dhe një tjetër, që kishin konsulencë për shkrim të biznesit. Nuk e di çfarë start-up-i është konsulenca. Në jetën time s'kam hasur në asnjë vend të botës, e ndjek prej 10 vitesh, por konsulencën nuk e kuptoj. Konsulencë ekonomike, ishte përshkrimi edhe për auditues.

Sipas dokumenteve që më erdhën mua, ajo punonte për një kompani që kishte bërë auditimin e ish-kompanisë së zonjës Bilali 'AZ Consulting', pra kishte një lidhje tërthorazi që mendoj se në ditët që janë verifikuar dokumentet duhet të ishte... Ish-sekretare e ministres? Këtë nuk e them dot me saktësi. Falë iranianëve dhe AKSH kanë dalë shumë database dhe aty mund të dalin shumë të dhëna. Më lidhen shumë gjëra dhe prandaj dhe isha shumë i sigurt në ato që thoja", theksoi eksperti i IT-së./ B.A. - CNA.al





Lajmet e fundit nga