web counter
LEXO PA REKLAMA!

SHKARKO APP

App Store
Google Play

E fundit!

x

Trajnimi i agronomëve/ Si të përshtatemi me kushtet e reja të klimës

19 Dhjetor 2022, 17:09, Aktualitet CNA

Trajnimi i agronomëve/ Si të përshtatemi me kushtet e reja

Në vijim të propjektit “Përshtatja e bujqësisë si sfidë përballë ndryshimeve të klimës”, filloi edhe trajnimi i specialistëve të bujqësisë. Trajnimi i parë u zhvillua në qarkun e Korçës, me specialistët e AREB-ve dhe specialistët e atashuar pranë bashkive.

Trajnuesit informuam agronomët mbi fenomentin e ndryshimeve të klimës dhe shkatarët e tyre, dhe mbi pasojat negative në bujqësi. Më pas u diskutuan masat që duhet të merren në nivel lokal për të zbutur efektet negative të këtyre ndryshimeve.

Trajnuesit rekomanduan si masa përshtatëse:

1-Studimi zonal i klimës dhe mbjellja e farërave dhe fidanëve në përshtatje më kushtet e klimës

2-Prodhimin e farërave dhe fidaneve në përshtatje të kushteve të reja të klimës dhe sipas çdo zone.

3-Studimin e kohës së mbjelljes së disa bimëve, pasi në kushtet e reja të klimës ka ndryshuar edhe cikli biologjik.

4-Duhet të kryehen studime të thelluara, posaçërisht për cështjet e klimës.

Trajnimi i agronomëve/ Si të përshtatemi me kushtet e reja

Specialistët pohuan se e dinë që duhet të mbillen farëra e fidanë që përshtaten me kushtet e klimës së zonës, por nuk ka kush ti prodhojë këto fidanë e farëra. Nuk ka kërkim shkencor në këtë fushë dhe ata nuk kanë mundësi që ta ushtrojnë këtë.

Specialistët kërkuan gjithashtu nga fermerët që të janë më të gatshëm për të bashkëpunuar me ta, gjatë gjithë kohës dhe veçanërisht kur ndërtojnë ferma të reja.

“Shpesh fermerët mjaftohen me eksperiencën që kanë krijuar dhe nuk e marrin konsulencën e specialistëve qoftë për luftimin e sëmundjeve dhe dëmtuesve, qoftë dhe çështje të tjera teknike”- pohuan ata.

Megjithatë, specialistët shprehën rezerva të forta lidhur me kushtet e tyre dhe mundësinë për ta ofruar konsulencën në mënyrë masive.

-Numri i pakët i specialistëve për Njësi Administrative

- Mungesa e mjeteve për të lëvizur në të gjithë territorin e njësive administrative

Trajnimi i agronomëve/ Si të përshtatemi me kushtet e reja

-Ngarkesa e madhe e specialistëve me procedura burrokratike që nuk kanë lidhje me profesionin e tyre, siç është plotësimi i dokumentacionit për aplikimet e fermerëve për i subvencioneve në bujqësi, apo ndarja së naftës për fermerët. 

Agronomët mbështetën fort idenë e ngritjes së një institucioni për të diskutuar posaçërisht ndryshimet klimatike dhe përshtatjes së bujqësisë me këto kushte të reja.

Projekti “Përshtatja e bujqësisë, si sfidë përballë ndryshimeve të klimës”, zhvillohet në kuadër të Green-AL, një projekt i financuar nga Agjencia Ndërkombëtare Suedeze për Bashkëpunim dhe Zhvillim me fondet e Qeverisë Suedeze, i zbatuar nga Co-PLAN Institute for Habitat Development, VIS Albania, COSV -  Cooperazione per lo Sviluppo, CISP Sviluppo dei Popoli./ CNA.al

Trajnimi i agronomëve/ Si të përshtatemi me kushtet e reja

Trajnimi i agronomëve/ Si të përshtatemi me kushtet e reja





Lajmet e fundit nga