E fundit!

10:38 Kulturë

Ndahet nga jeta mjeshtri i humorit, Todi Llupi

Ndahet nga jeta në moshën 78-vjeçare mjeshtri i humorit To...

“Yuri Kim dhe anëtarët e KLP u shantazhuan hapur”/ Spahiu zbulon prapaskenat e zgjedhjes së kreut të ri të SPAK-ut

19 Dhjetor 2022, 22:35, Aktualitet CNA

“Yuri Kim dhe anëtarët e KLP u shantazhuan hapur”/ Spahiu

Analisti Kreshnik Spahiu

Analisti Kreshnik Spahiu ka zbuluar prapaskenat për zgjedhjen e kreut të ri të SPAK-ut.

I ftuar në emisionin “Now” me Erla Mëhillin, Spahiu ka treguar se çfarë fshihej pas deklaratës së Ministrisë së Jashtme, e cila njoftoi procesin për zëvendësimin e ambasadores amerikane, duke thënë se ky ishte një lloj shantazhi.

Analisti tha se e gjitha ka ndodhur për faktin se po lobohej për dy vota në zgjedhjen e kreut të ri të SPAK-ut. Sipas tij qeveria duhet të bindte dy vota për zgjedhjen e drejtuesit të SPAK-ut, dhe duke iu thënë që Kim është në ikje, ishte një shantazh i hapur ndaj vetë anëtarëve të KLP-së.

“Yuri Kim do largohet por do të vijë dikush tjetër. Ne kemi qenë këtu në ditën ku Ministria e Jashtme e shantazhoi ambsadoren amerikane. Ajo ka ndodhur për faktin se po lobohej për dy vota më shumë, sepse për një votë luajti qeveri-Amerikë.

Duhet të bindnin dy vota, dhe arsyeja që nxorrën Ministrinë e Jashtme për të deklaruar se Yuri Kim po largohet është që t’i thonin atyre dy prokurorëve që kjo është në ikje, ç’ju duhet ju të mbështesni Yuri Kimin, ndërkohë që karrierën e keni këtu me ne. Ajo është duke ikur.Mos dëgjoni atë, votoni pro kandidatit tonë. Ka qenë një shanatzh i hapur për vetë anëtarët e KLP në vendmmarrjen për të rrëzuar Altin Dumanin . Me këtë zgjedhje kanë fituar amerikanët. Është hera e parë që qeveria dhe opozita ishin në të njëjtën qasje”, ka thënë Spahiu./ CNA.al