E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“I kisha shpallur luftë kësaj godine”/ Rama: Projektet janë parë si platforma për të kërcyer shpatat politike

21 Dhjetor 2022, 12:10, Aktualitet CNA

“I kisha shpallur luftë kësaj godine”/ Rama: Projektet

Kryeministri Edi Rama

Kryeministri Edi Rama, gjatë ceremonisë për përurimin e nisjes së punimeve për Teatrin e Ri Kombëtar, është shprehur se që në kohën kur ishte ministër kulture i kishte shpallur luftë godinës së vjetër që u shemb.

Gjatë fjalimit të tij, Rama tha se e kupton reagimin e kaheve politike që kanë përdorur shpatat për projektet e zhvilluara në vend si sheshin “Skënderbej" apo stadiumin, por nuk e kupton pse komuniteti i teatrit kishte një mosbesim konsensual lidhur me këtë proces dhe lidhur me dëshirën dhe vullnetin për të ndërtuar më në fund një teatër të denjë.

“Kur erdhi arkitekti i thashë, nuk e di nëse në jetën tënde ke pasur ndonjë përurim me polici. E ndërkohë, ajo që ka rëndësi e që është e bukura e kësaj skene është se perfekti i viteve '86 është këtu me ne. Nuk është në anën e atyre që donin të prishnin koncertin. S’kemi ç’bëjmë kjo është historia bashkëkohore e zhvillimit të këtij vendi. E kam menduar shumë herë, se pse komuniteti i teatrit, duke i lënë mënjanë ata që teatrin, stadiumin apo sheshin 'Skënderbej' i kanë parë si platforma për të kërcyer shpatat politike.

Por pse komuniteti? Pavarësisht bindjeve politike, kishin një mosbesim thuajse konsensual lidhur me këtë proces dhe lidhur me dëshirën dhe vullnetin për të ndërtuar më në fund një teatër të denjë. Mbase nuk arrij dot t’i jap përgjigje kësaj pyetjeje, por besoj se një ndër arsyet është se për shumë kohë, komuniteti i teatrit kombëtar u pajtua me inercinë e të punuarit në kushte shumë të vështira.

E dekada, e dekada të tëra kaluan me zotime e premtime, por askush nuk u bë mbarë për të ndërtuar teatrin. Pastaj edhe paragjykimet në këtë kohë që ne jetojmë. Ku kemi parë shumë skena, shqyerje të pronave, e pasurive publike, e vetvetiu u krijua një vetëmbrojtje.

Më vjen mirë që të gjitha këto më në fund u fashitën. Ja kisha shpallur luftën asaj godine që në '98 kur isha ministër kulture. Kur mendon që nga '98 deri sot, mund të ishin hedhur hapat e nevojshëm, realisht ka kaluar shumë kohë. Ky projekt shkon përtej një teatri kombëtar. Është një tjetër gur i çmuar në një gjerdan veprash që e kanë nxjerrë Tiranës jashtë vetes”, tha Rama./ CNA.al