web counter
LEXO PA REKLAMA!

SHKARKO APP

App Store
Google Play

E fundit!

x

Tetë drejtues mjetesh në pranga/ Policia bën “namin” edhe me gjobat

22 Janar 2025, 12:01, Aktualitet CNA

Tetë drejtues mjetesh në pranga/ Policia bën “namin”

Tetë drejtues mjetesh në pranga, nga të cilët tre për arsye të përdorimit tej mase të alkoolit, si dhe pesë të tjerë se lëviznin pa pasur në zotërim leje drejtimin përkatës.

Është ky njoftimi i Policisë Lezhë, që ndër të tjera bën të ditur se në total janë ndëshkuar me masë adminstrative 2053 drejtues mjetesh.

Policia Rrugore e Lezhës, e pranishme 24/7, në të gjitha akset rrugore, me qëllim parandalimin e aksidenteve dhe garantimin e sigurisë rrugore.

Akset monitorohen pandërprerë, me pajisje të logjistikës bashkëkohore, të loguara dhe të paloguara, me qëllim menaxhimin e trafikut, si dhe evidentimin e shkeljeve që janë burim aksidenti dhe të parkimeve të gabuara që bëhen pengesë për qarkullimin.

Gjatë muajit janar 2025, janë vënë në pranga 8 drejtues mjetesh, nga këta 3 për drejtim mjeti në gjendje të dehur dhe 5 për drejtim mjeti pa leje drejtimi.

Gjithashtu, janë ndëshkuar administrativisht në total 2053 drejtues mjetesh, konkretisht:
* 845, për qarkullim me shpejtësi tej normave të lejuara;
* 341, për parakalime të gabuara;
* 173, për përdorim të celularit, gjatë drejtimit të mjetit;
* 22, për mosvendosje të kaskës mbrojtëse;
* 31, për mosvendosje të rripit të sigurimit;
* 23, për drejtim të mjetit pas përdorimit të pijeve alkoolike;
* 373, për parkime të gabuara;
* 245, për shkelje të tjera të Kodit Rrugor.

Kontrollet e Policisë Rrugore vijojnë në të gjitha akset rrugore urbane, interurbane dhe rurale, duke përdorur të gjitha mjetet bashkëkohore logjistike, me qëllim përmbushjen e parametrave të sigurisë rrugore.

Policia Rrugore e Lezhës apelon për të gjithë drejtuesit e mjeteve që të zbatojnë me rigorozitet rregullat e qarkullimit rrugor,???????? të mos kryejnë parakalime të gabuara, të mos përdorin celularin gjatë drejtimit të mjetit dhe të mos drejtojnë mjetin në efektin e alkoolit apo në gjendje të dehur.

Ftojmë qytetarët që të denoncojnë në numrin pa pagesë 112, çdo shkelje të rregullave të qarkullimit rrugor. /CNA

 





Lajmet e fundit nga