web counter
LEXO PA REKLAMA!

SHKARKO APP

App Store
Google Play

“SPAK-u nuk e ka shkopin magjik”/ Ish-kreu i Krimeve të Rënda: I ngarkuar me propagandë

10 Nëntor 2022, 22:14, Aktualitet CNA
“SPAK-u nuk e ka shkopin magjik”/ Ish-kreu i Krimeve të
Ish-drejtuesi i Krimeve të Rënda, Eugen Beci

Ish-drejtuesi i Krimeve të Rënda, Eugen Beci, ka diskutuar rreth punës dhe pritshmërive ndaj SPAK-ut.

Beci tha se pritshmëritë ndaj SPAK-ut ishin shumë të larta, por nga ana tjetër realiteti tregoi diçka tjetër.

Në emisionin "Debat" në "A2CNN", Beci u shpreh se kur u ngrit SPAK-u, u duk se gjithçka do të zgjidhej si me shkop magjik, por kjo ishte e pamundur.

Sipas ish-kreut të Krimeve të Rënda, SPAK-u aktualisht është i ngarkuar më shumë seç duhet me propagandë dhe një lloj veshjeje emocionale që të zgjidhë gjithçka që ndodh në Shqipëri, duke ndikuar kështu drejtpërdrejtë në opinionin publik.

“SPAK-ut i është ngarkuar më shumë sesa duhet me propagandë e me një lloj veshjeje emocionale që të zgjidhë gjithçka që ndodh në Shqipëri. Kjo ka ndikuar drejtpërdrejtë në opinionin publik.

Kur u ngrit SPAK-u u duk sikur gjithçka do të zgjidhej si me shkop magjik. Por është e pamundur që një strukturë që do të funksionojë me subjekte dhe legjislacion të kufizuar do të zgjidhë gjithçka mbi korrupsionin në Shqipëri. Pritshmëritë që iu ngarkuan ishin të larta, ndërsa realiteti tregoi diçka tjetër, duke se sa i përket luftës ndaj krimit të organizuar dhe korrupsionit me reformën në drejtësi krijuam një problem shumë të madh. Atë që ishte arritur në luftën kundër krimit të organizuar, SPAK-u nuk e mori”, tha Beci./ CNA.al

 





Lajmet e fundit nga