web counter
LEXO PA REKLAMA!

SHKARKO APP

App Store
Google Play

Sherri në Kuvend me deputetët e PD-së/ Rama: “Dy të dehur që shanë me libër shtëpie”

10 Nëntor 2022, 16:15, Aktualitet CNA
Sherri në Kuvend me deputetët e PD-së/ Rama: “Dy të
Foto ilustruese

Kryeministri Edi Rama nuk i ka ndalur sulmet drejt opozitës.

Rama shkruan se pas 28 orësh diskutime në seancën parlamentare, opozita nuk pranoi që ka luftë në Ukrainë, krizë të çmimit të energjisë dhe inflacionit të luftës, duke përmendur këtu edhe financimet ruse.

“Pas 28 orësh seancë diskutimesh për #Buxhetin2023 as PD, as PF dhe as PL(Partia e Lekut) nuk pranuan që ka luftë, nuk folën për asnjë lidhje mes luftës së Putinit, krizës së çmimit të energjisë dhe inflacionit të luftës, nuk thanë asnjë llaf për 1/2milionë USD të marra nga rusët”, shkruan Edi Rama.

Më tej Rama e vijon postimin e tij, duke kujtuar edhe sherrin me Edi Palokën dhe Bujar Leskajn, ku shkruan:

 “Seanca u mbyll me dy të dehur nga rruga e Foltores që shanë me libër shtëpie në emër të popullit dhe mbetën pa bërtitur “Shqipëria në Rrezik!” se harruan tekstin prej alkoolit! Tre parti bedelësh pa atdhe,pa din e as iman, me tre të shitur në ballë e dyzet të shkalafitur vërdallë!”./ CNA.al





Lajmet e fundit nga