web counter
LEXO PA REKLAMA!

SHKARKO APP

App Store
Google Play

Protesta kombëtare e 12 nëntorit/ Ambasada e SHBA udhëzon qytetarët

10 Nëntor 2022, 18:50, Aktualitet CNA
Protesta kombëtare e 12 nëntorit/ Ambasada e SHBA udhëzon
Ambasada e SHBA në Tiranë

Të shtunën e 12 nëntorit është njoftuar një protestë kombëtare përballë Kryeministrisë nga Partia Demokratike.

Kur kanë mbetur vetëm dy ditë nga mbajtja e kësaj proteste, ambasada e SHBA në Tiranë ka dalë me një njoftim të rëndësishëm për qytetarët amerikanë.

Ambasada udhëzon qytetarët amerikanë të  shmangin tubimet dhe të qëndrojnë të informuar mbi zhvillimin e ngjarjeve nëpërmjet mediave.

“Një protestë është planifikuar të zhvillohet në Bulevardin Dëshmorët e Kombit, përballë Kryeministrisë. Kjo protestë ka potencialin të përhapet në rrugët përreth duke shkaktuar bllokime të trafikut, devijime dhe mbyllje të rrugëve. Qytetarët amerikanë këshillohen të shmangin tubimet e mëdha.

Ndërsa shumë ngjarje të mëdha zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionin më të fundit. Qytetarëve  amerikanë u kërkohet të shmangin këtë ngjarje. Monitoroni mediat lokale për përditësime”, thuhet në njoftimin e ambasadës së SHBA./ B.A. – CNA.al





Lajmet e fundit nga