web counter
LEXO PA REKLAMA!

SHKARKO APP

App Store
Google Play

SPAK kërkon 56 vite burg për 5 të pandehurit e dosjes “Revanshi”/ Mes tyre dhe vëllai i ish-deputetit

31 Maj 2026, 12:03, Aktualitet CNA

SPAK kërkon 56 vite burg për 5 të pandehurit e dosjes

Prokuroria e Posaçme ka kërkuar dënimin me 56 vite burg në total për pesë të pandehurit e dosjes së njohur si “Revanshi”.

Për Armando Ndrecën, vëllain e ish deputetit, i cili akuzohet për organizim dhe financim të një grupi kriminal të përfshirë në trafik droge, SPAK ka kërkuar 15 vite burg, që me gjykim të shkurtuar ulen në 10 vite.

Për Elvis Ndreca është kërkuar 6 vite burg, ndërsa për ish-efektivin e RENEA-s Adrian Pikli janë kërkuar 7 vite burgim.

Gjithashtu, për Deivis Bajramaj është kërkuar dënim me 8 vite burg, ndërsa për Edison Muçeku 6 vite burg.

Sipas SPAK, të pandehurit akuzohen për “grup të strukturuar kriminal”, “kultivim të bimëve narkotike”, “armëmbajtje pa leje” dhe “sigurim kushtesh për vrasje”.

Hetimet lidhen me ngjarje të dyshuara të viteve 2020, ku disa prej të pandehurve akuzohen për përfshirje në aktivitet kriminal të organizuar, përfshirë edhe raste të sigurimit të kushteve për atentate dhe trafik droge.

Dosja “Revanshi” është pjesë e një hetimi më të gjerë, i ndarë në disa fraksione për shkak të numrit të madh të episodeve dhe personave të përfshirë./ CNA





Lajmet e fundit nga