web counter
LEXO PA REKLAMA!

SHKARKO APP

App Store
Google Play

E fundit!

x

Skandali “McGonigal”/ Vokshi: Ramës i është kërkuar të mos flasë

14 Shkurt 2023, 20:07, Aktualitet CNA
Skandali “McGonigal”/ Vokshi: Ramës i është
Deputetja Albana Vokshi

Deputetja Albana Vokshi ka zbuluar arsyet pse kryeministri Edi Rama nuk pranon të flasë për skandalin me McGonigal.

Në një intervistë për mediat, Vokshi është shprehur se Rama ka tre javë që është fshehur pasi avokati i tij i ka kërkuar të mos flasë sepse çdo gjë do t’i përdoret.

 “Edi Rama ka tre javë që është fshehur sepse avokati i ka thënë të heshtë, sepse çdo gjë do t’i përdoret”, tha Vokshi.

Ndër të tjera ka folur edhe për protestat e opozitës. Vokshi ka nënvizuar se demokratët po kërkojnë largimin e Ramës.

“Kërkesa e protestës ishte Edi Rama largohu. Motoja ishte dhe faktet dolën. Dhjetëra mijëra qytetarë dolën në shesh por edh ato që nuk dolën e kanë të qartë se me McGonigal u vërtetua ajo që opozita ka denoncuar. I vetmi kryeministër në botë që ka emrin 14 herë në listë. Vetëm para tri ditësh Bild shkruante që Edi Rama ka korruptuar një ish-agjent të FBI dhe me kanë kontaktuar shumë. Një kryeminstër që ka emrin në aktakuzë dhe dalin fakte nga gazeta më të mëdha ndërkombëtare…si është e mundur që nuk hep dorëheqjen. Gazetarët kanë investiguar dhe ka shumë detaje të tjera, dhe fakte të lidhjes mes Edi Ramës, korruptimi që ai i ka bërë Mcgonigal. Kjo tregon se Rama është kryeministri më i korruptuar. Edi Rama ka tre javë që është fshehur sepse avokati i ka thënë të heshtë, sepse çdo gjë do t’i përdoret”, tha ajo./ CNA.al





Lajmet e fundit nga