web counter
LEXO PA REKLAMA!

SHKARKO APP

App Store
Google Play

Protestë dhe seancë gjyqësore në 3 Mars/ Spaho: Nuk e kemi problemin me gjykatën

14 Shkurt 2023, 17:26, Aktualitet CNA
Protestë dhe seancë gjyqësore në 3 Mars/ Spaho: Nuk e kemi
Deputeti demokrat Edmond Spaho

Deputeti demokrat Edmond Spaho ka komentuar protestat e fundit të zhvilluar nga opozita duke i cilësuar të jashtëzakonshme, duke theksuar se paraditen e të enjtes do të garantojnë një pjesëmarrje edhe me të madhe.

“Pjesëmarrja në protestë ishte e jashtëzakonshme. Qytetarët shqiptarë i ndjekin zhvillimet politike dhe duan të jenë pjesë e zgjidhjes. Ky është një proces që do kohën e vetë. Nuk pretendojmë se me një protestë të kapërcejmë situatën në të cilën ndodhemi, duke pasur parasysh dhe regjimin e Edi Ramës i cili nuk lë mjet pa përdorur në interes të tij, ku dhe në Kuvend po përjashton deputetët njëri pas tjetrit, janë 19 deputetë të përjashtuar brenda 2 apo 3 javëve.

Në protestën e djeshme në ambientet e jashtme të Kuvendit, pjesëmarrja ishte e kënqashme por ne presim dhe më shumë nga Tirana.

Ditën e enjte paradite do të garantojmë një pjesëmarrje sa më të madhe”, ka thënë Spaho.

Ndër të tjera, deputeti ka konfirmuar edhe protestën që do të mbahet në 3 Mars, duke u shprehur se problemin nuk e kanë me gjykatat, por me Edi Ramën.

“Data 3 mars është vendosur protestë kombëtare në Kryesinë e Partisë Demokratike.

Ne problemin nuk e kemi me gjykatën. Gjykata ka folur në 25 mars të vitit të shkuar. Nëse do të respektohej ligji dhe kushtetuta PD sot duhet të ishte regjistruar me kryetar Sali Berishën.

Ne problemin e kemi me Edi Ramën dhe prandaj po protestojmë përfshirë shumë probleme por edhe logoja dhe simbolet e PD. Rama kërkon ti tjetërsojë dhe ta pengojë PD të mos marrë pjesë në zgjedhjet e 14 majit, por ky ka për të qënë një mision i pamundur për të pasi askush nuk do ta lejojë të na marrë simbolet e PD”, ka deklaruar Spaho./ CNA.al





Lajmet e fundit nga