E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Biznesi vlerëson lehtësimin e procedurave doganore dhe shkurtimin e kohës

14 Shkurt 2023, 14:42, Aktualitet CNA

Biznesi vlerëson lehtësimin e procedurave doganore dhe shkurtimin e

Drejtori i Përgjithshëm i Doganave, Genti Gazheli, zhvilloi një takim me përfaqësuesit e Shoqatës së Sektorit Manifakturë e Veshjeve dhe të Këpucëve.

Z. Gazheli shprehu angazhimin maksimal të administratës doganore për të diskutuar në mënyrë të hapur dhe të drejtpëdrejtë problematikat e biznesit në lidhje me procedurat doganore.

"Gjatë viteve të fundit, administrata doganore është udhëhequr nga parimi i trasparencës dhe përgjegjshmërisë në raport me bizneset dhe qytetarët, në funksion të objektivave të saj, jo vetëm për mbledhjen e të ardhurave, por sidomos lehtësimin e procedurave dhe mbrojtjen e tregtisë së ligjshme dhe të ndershme", tha Gazheli.

Ai theksoi se informatizimi i procedurave dhe formaliteteve doganore, aplikimet "online", veçanërisht përgjatë dy viteve të fundit, kanë lehtësuar aktivitetin prodhues, importues dhe (ri)eksportues të bizneseve të sektorit.
Ndërsa përfaqësuesit e Proeksport, u shprehen mjaft pozitivisht mbi marrëdhënien e re bashkëpunuese dhe korrekte që tashmë është vendosur me ADSH.

"Nëse para disa viteve kishte një mal me probleme dhe bëhej një libër me ankesa, ndërkohë tani nga anketa e të gjithë anëtarëve janë dy-tri ankesa. Aktualisht shkurtimi i kohës së shërbimeve dhe marrjes së autorizimeve brenda ditës, është një proces që as e kishim menduar ndonjëherë", u shpreh Florian Zekja, koordinator i Proeksport.

Ekspertët e Doganave dhe përfaqësuesit e Proeksport, gjatë këtij takimi u fokusuan në zgjidhjen e problematikave që do të ndihmonin në kryerjen e veprimtarisë së kompanive prodhuese të veshjeve dhe këpucëve./CNA.al