web counter
LEXO PA REKLAMA!

SHKARKO APP

App Store
Google Play

“Situatë në prag katastrofe te Parku i Liqenit”/ Këlliçi denoncon skandalin: Veliaj po e kthen në bombë ekologjike

29 Tetor 2024, 10:58, Aktualitet CNA

“Situatë në prag katastrofe te Parku i Liqenit”/

Drejtuesi politik i PD-së për Tiranën, Belind Këlliçi, ka denoncuar skandalin e radhës ku gishtin e përgjegjësisë e drejton te kryebashkiaku Erion Veliaj.

Këlliçi ka publikuar disa foto nga liqeni artificial i Tiranës ku situata duket mjaft alarmante. Ai denoncon se kreu i "5D"-së, Erion Veliaj, e ka kthyer liqenin artificial të Tiranës në një bombë ekologjike ku cianobakteret helmuese kanë pushtuar hapësirën.

Këlliçi thekson se pronari faktik i inceneratorit të Tiranës ka vendosur që ujërat e zeza të jenë padron i së vetmes hapësire të gjelbër që ka Tirana.

Ai ngre alarmin se Tirana është shndërruar në kompaninë private dhe makinën financiaro-elektorale të një individi të vetëm.

“Situata në prag katastrofe tek Parku i Liqenit!

Kreu i 5D Erion Veliaj tashmë kthen liqenin artificial të Tiranës në një bombë ekologjike, ku cianobakteret helmuese kanë pushtuar hapësirën.

Pasi e zhveshi liqenin për shkak të monstrave të betonit që janë ndërtuar brenda parkut, pasi gënjeu të madh e të vogël me mashtrimin epik të “pyllit orbital” me 1 milionë pemë (për të cilat do duheshin dhe 10 parqe të tjera si ky që kemi sot), tani pronari faktik i Inceneratorit Tiranë ka vendosur që ujrat e zeza të jenë padron i të vetmes hapësire të gjelbër që ka Tirana.

Dëmin, vjedhjen dhe betonizimin që i ka shkaktuar ky përbindësh korrupsioni Tiranës, është i pariparueshëm.

Tirana është shndërruar në kompaninë private dhe makinën financiaro-elektorale të një individi të vetëm, i cili mesa duket ka një urrejtje të pashembullt për qytetin tonë!”, shkruan Këlliçi./ CNA





Lajmet e fundit nga