web counter
LEXO PA REKLAMA!

SHKARKO APP

App Store
Google Play

Vangjeli: Drejtësinë e kemi shumë larg, ndëshkimi është kollaj

28 Tetor 2024, 22:29, Aktualitet CNA
Vangjeli: Drejtësinë e kemi shumë larg, ndëshkimi
Lorenc Vangjeli

Analisti, Lorenc Vangjeli, ka folur mbi situatën në të cilën ndodhet drejtësia në vend, e cila sipas analistit kjo drejtësi është e vonuar dhe shumë larg nga e drejta.

Vangjeli u shpreh ndër të tjera se, të ndëshkosh është e thjeshtë por drejtësia mungon.

“Llogaria e gabuar në 2016 ishte se nuk llogaritën burimet njerëzore, vakancat e krijuara ishin të frikshme. Një gjyqtarë i apelit i duhet të gjykojë 700 çështje në vit, dy në ditë.

I hynë një operacioni total, të cilin nuk e kanë nënkontrroll. Kur themi drejtësi e re, ne e kufizojmë vetëm tek SPAKU, i cili në thelb është një histori suksesi por sukses i ndërmjetëm, sepse edhe motivimi edhe rezultati i parë i kërkuar prej tij, u kërkua të ndëshkoheshin të pandëshkueshmit.

Ndëshkimi është kollaj. Të japësh drejtësi dhe të ndëshkosh, janë dy gjëra të ndryshme. Ne fazën e parë e kemi kaluar, drejtësinë e kemi shumë larg. Ne kur themi drejtësia kemi parasysh një rezervat atje ku peshkon SPAKU dhe Gjykata e Posaçme. Në fakt drejtësia ka të bëjë me qytetarët shqiptarë, e cila duke qenë e vonuar është drejtësi e munguar.   Në 99.9% të rasteve ajo që quhet drejtësia është keq.”/CNA





Lajmet e fundit nga