web counter
LEXO PA REKLAMA!

SHKARKO APP

App Store
Google Play

E fundit!

x

Buxheti i vitit 2025, më i madhi në histori, kush do të marrë pjesën më të madhe të “tortës”

28 Tetor 2024, 13:31, Aktualitet CNA

Buxheti i vitit 2025, më i madhi në histori, kush do të

Buxheti i vitit 2025 do të jetë një nga më të mëdhenjtë në historinë e vendit dhe planifikohet të arrijë vlerën e 8.2 miliardë eurove.

Në projektbuxhet thuhet se të ardhurat do të arrijnë në 754.6 mld lekë ose afro 7.5 miliardë euro me rritje prej afro 510 milionë eurosh nga viti aktual, ndërsa deficiti buxhetor është planifikuar në vlerën e 680 milionë eurove.

Në projektbuxhet është parashikuar edhe emetimi i një eurobondi në vlerën 650 milionë euro, ndërkohë që pritet ulje e konsiderueshme e borxhit publik.

Nga ky buxhet janë planifikuar vetëm 16 mln euro për indeksimin e pensioneve dhe 37 mln euro për bonusin e fundvitit dhe 50 milionë euro për rindërtimin.

Buxheti për të gjitha bashkitë është planikuar në 899 mln euro.

“Shpenzimet e buxhetit vendor për vitin 2025, janë parashikuar në masën 89.9 miliardë lekë, me një rritje prej 13.2% më shumë se buxheti i vitit 2024. Këto shpenzime për vitin 2025, zënë 3.43% të PBB-së nga 2.9 që zinin në vitin 2024 ose nga 2.3% në vitin 2015.

Transferta e pakushtëzuar për vitin 2025, krahasuar me vitin 2024 është 1.8 miliardë lekë më shumë ose rreth 7.6% më e lartë, dhe krahasuar me vitin 2015 (viti para zbatimit të reformës administrativo-territoriale), është 13.9 miliardë lekë më shumë ose mbi dy herë më e lartë”, thuhet në relacion.

Ministria e Shëndetësisë, e Mbrojtjes Sociale dhe ajo e Infrastrukturës dhe Energjetikës pritet të marrin pjesën më të madhe të "tortës" nga buxheti i vitit 2025./ CNA

 





Lajmet e fundit nga