web counter
LEXO PA REKLAMA!

SHKARKO APP

App Store
Google Play

E fundit!

x

Mbetjet toksike/ Drejtori ekzekutiv i rrjetit "Bazel": Prokuroria të bëjë transparencë dhe hetime të sakta

28 Tetor 2024, 10:18, Aktualitet CNA

Mbetjet toksike/ Drejtori ekzekutiv i rrjetit "Bazel": Prokuroria

Drejtori ekzekutiv i “Rrjetit Bazelit”, Jim Pucket, ka folur për mediat në lidhje me mbetjet toksike që kanë mbërritur në Portin e Durrësit.

Ai ka kërkuar që kontejnerët të hapen në publik dhe të bëhet transparencë me atë çka përmbajnë.

Sipas Pucket, dyshohet se mbetjet e kanë origjinën nga metalurgjiku në Elbasan.

Ai është shprehur se janë 100% të sigurt që në kontejnerë ka mbetje toksike.

Më tej ka deklaruar se prokuroria duhet të vëzhgojë dhe të bëjë transparencë me publikun.  

“Mendojmë që ngarkesa ka rrugën nga Singapori dhe ka ardhur në Durrës sot. Ne presim që Moliva të arrijë dhe të ankorohet pasdite.

Pritej të arrinte në orën 08:00, por është kërkuar që të mbahet një kilometër larg bregut. Kemi informacion që autoritetet kanë kërkuar që kapiteni të qëndrojë në pritje. Besoj që kjo vonesë, kjo shtyrje është për shkak se ju të gjithë jeni këtu.

Ne besojmë që pasdite do të ankorohet këtu, por nuk dimë çfarë do të ndodhë më pas. Ne jemi në dijeni që ka një procedim penal nga prokuroria dhe shpresojmë që ekipi të jetë këtu kur anija të arrijë.

Shpresojmë që hapja e kontejnerëve të bëhet në vëzhgim të rreptë dhe gjithçka të ekzaminohet. Ka pasur shumë polemika për këtë ngarkesë. Ka diskutime që nuk ka mbetje toksike, por jemi 90% të sigurt që këta kontejnerë përmbajnë mbetje toksike.

Jemi 100% të sigurt që këto mbetje nuk duhet të eksportoheshin në Tajlandë. Ne kemi shkuar edhe e kemi parë. Kemi bërë ekzaminimet tona kemi gjetur që ka mbetje të rrezikshme, arsenik dhe plumb.

Ne besojmë që kjo ngarkesë e ka origjinën nga kompania e çelikut në Elbasan dhe për këtë arsye janë bërë të gjitha vëzhgimet e duhura. Të hapen kontejnerët në vëzhgim publik dhe të merren mostrat dhe të zbulohet orgjina e mbetjeve.

Është një lajm i mirë që prokuroria ka marrë këtë vendim. Kontejnerët duhet të ruhen në masa të rrepta dhe duhet të hapen në publik. Duhet të kryhen në transparencë të plotë”, tha Pucket./ CNA





Lajmet e fundit nga