Vendos Apeli i GJKKO-së/ Shqyrtimi gjyqësor për inceneratorin e Fierit do të përsëritet

28 Tetor 2024, 15:51, Aktualitet CNA

Vendos Apeli i GJKKO-së/ Shqyrtimi gjyqësor për inceneratorin e

Apeli i GJKKO-së ka pranuar kërkesën e prokurorit të posaçëm, Dritan Prençi, në lidhje me aferën e inceneratorit të Fierit.

Apeli i Posaçëm ka vendosur që të përsëritet shqyrtimi gjyqësor për këtë aferë.

Mësohet se do të thërriten 8 dëshmitarë për t’u marrë në pyetje, mes të cilëve edhe Arjola Kodra, administratorja e inceneratorit të Tiranës, e cila u shpall e pafajshme nga GJKKO-ja.

Gjykata e Posaçme Kundër Korrupsionit dhe Krimit të Organizuar dënoi më 25 shtator 2023 me 48 vite burg në total 8 nga 15 personat e akuzuar për aferën e inceneratorit të Fierit. (Lexo këtu)

Vendos Apeli i GJKKO-së/ Shqyrtimi gjyqësor për inceneratorin e

Inceneratori i Fierit

GJKKO shpalli të pafajshëm Arben Dervishajn, Mbikëqyrësi i punimeve të inceneratorit, Juri Imerajn, administrator i kompanisë J.P.Y dhe Arjola Kodrën, Administratore e Inceneratorit të Tiranës.

Ish-ministri i Mjedisit, Lefter Koka, u dënua me 10 vite burg nga GJKKO për aferën e inceneratorit të Fierit, por me gjykim të shkurtuar dënimi u ul në 6.8 vite burg.

Ish-deputeti i PS-së, Alqi Bllako, u dënua me 4 vite burg, por me gjykim të shkurtuar dënimi ulej në 2.8 vite burg.

Alqi Bllako

Klodian Zoto u dënua me 11 vite burg, por me gjykim të shkurtuar dënimi u ul në 8 vite burg.

Erjon Murataj, anëtar i komisionit të dhënies së koncesionit, u dënua me 3 vite burg, dënimi u ul në 2 vite burg.

Azem Shatëri, anëtar i komisionit të dhënies së koncesionit, u dënua me 3 vite burg, me gjyq të shkurtuar dënimi u ul në 2 vite burg.

Loran Dusha, administrator i Inceneratorit të Fierit, u dënua me 7 vite burg, dënimi u ul në 4 vite e 8 muaj burg nga gjykimi i shkurtuar.

Arbër Denizi, administrator i PIVOT-04, u dënua me 7 vite burg, me gjyq të shkurtuar u dënua me 4 vite e 8 muaj burg.

Inceneratori i Fierit, afera që nuk përfundon
4 Janar, 12:30

Florian Muçaj, anëtar i komisionit të dhënies së koncesionit u dënua me 3 vite burg, me gjyq të shkurtuar dënimi u ul në 2 vite burg! Ai u lirua pasi mbaroi dënimin.

Dënimi iu konverua në shërbim prove Regan Merdanit, Administrator i 'Froggy”sh.p.k, Gentian Ziflës, Administrator i 'Itneg”sh.p.k, Sabina Cenamerit, anëtare e komisionit të dhënies së koncesionit dhe Pëllumb Abeshit, ish-zyrtari i ministrisë së Mjedisit

Merdani, Zifla dhe Cenameri ishin dënuar me nga 3 vite burg, ndërsa Abeshi me 2 vite e 4 muaj./ CNA