LEXO PA REKLAMA!

SHKARKO APP

Shkeljet në restaurimet e "Kafes së Madhe" dhe "Gjuhadolit" në Shkodër/ Deputetja demokrate: Masakër

30 Tetor 2022, 16:45, Aktualitet CNA
Shkeljet në restaurimet e "Kafes së Madhe" dhe
Foto ilustruese

Deputetja e PD-së, Ina Zhupa, ka reaguar menjëherë pasi KLSH ka kallëzuar në Prokurorinë e Rrethit Gjyqësor Shkodër, shkeljet që janë bërë në rikonstruksionin e dy pasurive kulturore në Shkodër, “Kafja e Madhe” dhe “Gjuhadol”, duke konstatuar se pasojat nga shkeljet kanë shkaktuar pasoja të parikuperueshme.

Përmes një reagimi në rrjetet sociale, Zhupa ka akuzuar kryeministrin Edi Rama dhe ministren e Kulturës Elva Margariti, duke e quajtur këtë një masakër që po i bëhet trashëgimisë kulturore.

Masakra që Edi Rama dhe ministresha e tij koncensionare Margariti i bëjnë trashëgimisë kulturore vazhdon!

Edhe kur 'restaurojnë' në fakt shkatërrojnë.

Restaurimi i Ansamblit historik në Shkodër njohur 'Gjuhadol’ dhe 'Kafja e Madhe' ka shkaktuar dëme të parikuperueshme për vlerat e tyre historike e trashëgimisë kulturore.

Për këto dëmtime, në 28 tetor, KLSH ka referuar në prokurori kallëzim penal sipas nenit 160 për shkatërrim të veprave kulturore, krim i cili dënohet me gjobë deri në 8 vite burg.

Shkodra meritonte një restaurim të denjë që respektonte vlerat historike të saj. Po vrasësit e Teatrit dhe shitesit e Butrintit nuk kishin si të zbatonin ligjin”, shkruan Zhupa./ CNA.al

Lajmet e fundit nga