web counter
LEXO PA REKLAMA!

SHKARKO APP

App Store
Google Play

E fundit!

x

Shkarkimi i Gledis Nanos/ Ngjela: Rama të tregojë shkakun, nuk janë memecë

1 Shtator 2022, 18:51, Aktualitet CNA
Shkarkimi i Gledis Nanos/ Ngjela: Rama të tregojë shkakun, nuk
Spartak Ngjela

Avokati Spartak Ngjela e shikon si një defekt të kryeministrit Edi Rama, shkarkimin e drejtorit të përgjithshëm të policisë së shtetit, Gledis Nano, pasi ai e emëroi në këtë post.

Në një intervistë për “Euronews Albania”, Ngjela deklaroi se Rama duhet t’i tregonte opinionit publik shkakun dhe arsyen që çoi në shkarkimin e Gledis Nanos.

Sipas Ngjelës, ende nuk është bërë e ditur, se si ka ndryshuar përqindja e kriminalitetit në vend, gjatë 10 muajve që Gledis Nano ishte drejtor i përgjithshëm i policisë.

“Është defekt i kryeministrit, e shkarkoi kryeministri drejtorin e policisë dhe nuk i jep arsyen opinionit publik, shkakun. Nuk mund të lejohet, se e shkarkoi, nuk ka dorëheqje. Po të kishte dhënë dorëheqjen ky, do jepte shkakun për dorëheqje. Kryeministri nuk jep shkak, e di veten absolut si Enver Hoxha. Këtu nuk po e kuptojmë dot.

Nuk është ndonjë gjë e rëndë largimi i Drejtorit të Policisë, sepse këta janë në pushtet prej 9 vitesh. Këtu pyetet, si ka qenë kriminaliteti gjatë kohës së tij, në rënie apo në ngritje? Nuk flasin këta, janë memecë. Sa është përqindja e kriminalitetit gjatë kohës që Nano kishte drejtimin? Këtë nuk e dimë”, theksoi avokati.





Lajmet e fundit nga