E fundit!

10:08 Aktualitet

“Bashkitë në fazë të re zhvillimi”/ Demo: Duhet projekte cilësore për të përthithur fondet e BE

Ministri i Shtetit për Pushtetin Vendor, Ervin Demo, dekla...

Sejamini kryqëzon të paguarin e "Rilindjes"

27 Shkurt 2025, 22:37, Aktualitet CNA

Kryebashkiaku i Tiranës tashmë i ndodhur në paraburgim në një intervistë që përbën skandal publik, në median ortake të inceneratorëve ka vijuar të justifikojë shpenzimet marramendëse të bashkëshortes së tij duke u shprehur se të merresh me to është mizogjini.

“Bashkëshortja ime vjen nga një familje e pasur dhe me 17 vjet karrierë në studio e biznes privat. Ka shpenzuar vetëm 50 000 lekë në muaj nga karta e saj. Në total 7 milion lekë në një dekadë. Të mbledhësh gjithë bilancet vjetore të 7-8 enteve në 17 vite dhe t’i trajtosh si personale në një ditë është ligësi e misogjeni. Janë të gjitha të deklaruara nga secili ent, me taksa, dogana e TVSH në rreth dy dekada. Nuk kemi asgjë në një veting 20 vjeçar dhe tani do i qepemi lodrave të djalit, makinës së vjehhrit të vdekur, vëllait, nënës, kujtdo, vetëm ta heqim nga fushata këtë që na mundi thellë në 2015, 2017, 2019, 2021, 2023 dhe (sapo të dal nga këtu) në 2025”, tha Veliaj.

Madje ka ripërsëritur se shpeznimet janë vetëm 7 milionë lekë në një dekadë. E vërteta e dalë nga hetimet është ndryshe sepse sipas Doganës Shqiptare janë 869 miloinë lekë blerje.

Blerjet online/ Autogoli i Ajola Xoxës dhe reagimi kontradiktor për shumat e shpenzuara
23 Shkurt, 14:17

Lidhur me shpenzimet e Xoxës u zhvillua një debat mes analistit Neritan Sejamini dhe gazetarit të Rilindjes Dudushi, i cili i mbajti ison Veliajt duke thënë se të merresh me shpenzimet e Xoxës është mizogjini.

Sejamini u shpreh se Xoxa është subjekt i hetimit të pasurisë dhe se çdo shpenzim duhet ta deklarojë sipas ligjit.

Pjesë nga debati

Dudushi: Çështja e të brendshmeve është mungesë deçence dhe opozita e kuptoi se e teproi.

Mizogjini dhe mungesë deçence që u përdor edhe në Kuvend. U detyrua dhe Berisha të thoshte se u teprua edhe me këtë. Tregon një mendje të tmerrshme.

Sejamini: Prokuroria thotë se ka pasur një skemë sesi paratë kalonin me një skemë të caktuar përmes organizatave. Ska vetëm veshje por edhe vila. Prokurorët janë nisur nga veshjet dhe kanë zbërthyer skemën.

Hetimi ka vijuar edhe pasi ata janë thirrur në prokurori. Ka hetuar edhe më pas, kanë kapur një fije dhe kanë vijuar.

Ky lloj versioni është konfirmuar edhe nga Dumani dhe Dado. Gjykatësi ka lexuar provat.

Veliaj ka refuzuar provat apo ka sharë edhe në sallën e gjyqit?

Veliaj nuk ka asnjë provë dhe i thotë gjërat në përgjithësi.

Dudushi: Xoxa i nxori me tabela në opinionin publik sepse dhe ti po i referohesh atyre që kanë dalë në opinionin publik./ CNA