web counter
LEXO PA REKLAMA!

SHKARKO APP

App Store
Google Play

Greva e doganierëve/ Pas Kakavijës dhe dy pika të tjera kufitare pezullojnë lëvizjen e mjeteve

27 Shkurt 2025, 19:10, Aktualitet CNA

Pas Pikës Kufitarë të Kakavijës, doganierët e palës greke do të zhvillojnë grevë dhe në Pikat Kufitare të Qafë Botës dhe Tre Urat-Përmet.

Në njoftimin e Policisë së Shteti apelohet që të gjenden alternativa të tjera nga qytetarët dhe të shmangen grumbullimet.

 

Njoftimi i policisë

Policia e Shtetit

 

Departamenti i Policisë Kufitare dhe Migracionit në Policinë e Shtetit është njoftuar nga Qendra e Bashkëpunimit Policor në Kakavijë se më datë 28.02.2025, nga ora 07:00 deri në orën 23:00, punonjësit e doganës greke në PKK Kakavijë, PKK Qafë Bot - Sarandë dhe PKK Tre Urat - Përmet do të zhvillojnë grevë, dhe për këtë arsye do të pezullohet lëvizja e lirë e automjeteve.

 

Policia Kufitare e Janinës ka sqaruar se gjatë kësaj periudhe do të lejohen vetëm këmbësorët pa bagazhe dhe rastet emergjente shëndetësore (ambulancat).

 

Nisur nga kjo situatë, Policia Kufitare apelon për të gjithë qytetarët dhe drejtuesit e automjeteve që kanë planifikuar lëvizjen drejt Greqisë, të gjejnë alternativa të tjera për të udhëtuar dhe të shmangin grumbullimin në pikat kufitare të sipërpërmendura deri në një njoftim të dytë./ CNA





Lajmet e fundit nga