web counter
LEXO PA REKLAMA!

SHKARKO APP

App Store
Google Play

E fundit!

x

Skandali i manderinave me pesticide/ Prokuroria e Beratit kërkon arrestimin e 3 personave

26 Shkurt 2025, 21:27, Aktualitet CNA

Skandali i manderinave me pesticide/ Prokuroria e Beratit kërkon arrestimin

Prokuroria e Beratit ka urdhëruar arrestimin e 3 personave për skandalin me pesticidet në mandarina. Pesonat e ndaluar janë grumbulluesi Arben Dyli, inspektori Elson Tahiraj dhe fermeri Elton Tafa.

Ndaj tyre rëndojnë akuzat për “Shpërdorim detyre,” “Shkelje të rregullave për lëndët helmuese,” “Prodhim dhe shitje të ushqimeve të rrezikshme për jetën e njerëzve” dhe “Mashtrim me produktet ushqimore”. Bëhet fjalë për mbi  21.000 kg mandarina, që sipas prokurorisë pas kthimit nga Kroacia, nuk janë asgjesuar në mënyrën e duhur.

Sipas pretendimeve të fermerit, mandarina ishin hedhur në landfillin e Bashkisë Dimal, or gjatë inspektimit nuk u gjetën mbetje të produktit. Kjo sasi mandarinash, me përmbajtje të lartë pesticidesh është shitur në qarqet Berat dhe Sarandë.

 

“Nga hetimet në kuadër të procedimit penal nr.768 mbi bazën e kallëzimit të bërë nga Autoriteti Kombëtar të Ushqimit, Drejtoria e Përgjithshme Tiranë pas refuzimit në Kroaci të 21593 kg mandarina klementine të dyshuara me pesticide fosmet, rezultoi se produkti është blerë nga fermerët e qarkut Berat dhe Sarandë. Nga analizat, u konstatua se tek kjo sasi mandarinash kishte mbetje pesticidi “Fosmet” mbi normën e lejuar (0.075 mg/kg -vlera elejuar ≤ 0.01 mg/kg). Në një kohë kur ky pesticid është hequr nga përdorimi nga viti 2022 dhe nuk lejohet të përdoret. Konsumimi i një fruti që përmban mbetje të fosmetit mbi nivelet e lejuara mund të sjellë pasoja për shëndetin e njeriut, veçanërisht nëse ekspozimi është i përsëritur, pasi fosmeti është një kimikat toksik.

Nga hetimet rezultoi se procedura e kthimit të produktit të pasigurt, është bërë pa dijeninë e AKU dhe fermeri E.T. tha se ka asgjësuar produktin e kthyer nga operatori i biznesit ushqimor në një vend të paidentifikuar. Vetë fermeri pretendoi se e kishte hedhur mallin në landfillin e Bashkisë Dimal ku ndërkohë nga këqyrja rezultoi se nuk kishte asnjë mbetje produkti. Gjithashtu në deklarimin e dhënë në AKU sipas procesverbalit të konstatimit rezulton të ketë deklaruar se e ka hedhur mallin në kanale të rastësishme”, thuhet në njoftim./ CNA

 





Lajmet e fundit nga