web counter
LEXO PA REKLAMA!

SHKARKO APP

App Store
Google Play

Këlliçi nxjerr zbuluar Carlo Bollino-n: Pajtimin në gjyq e refuzova unë

26 Shkurt 2025, 09:01, Aktualitet CNA

Këlliçi nxjerr zbuluar Carlo Bollino-n: Pajtimin në gjyq e

Drejtuesi politik i PD-së për Tiranën, Belind Këlliçi, ka nxjerrë zbuluar botuesin Carlo Bollino duke thënë se pajtimin në seancën e djeshme në gjyq e ka refuzuar Këlliçi dhe jo Bollino.

Ai theksoi se nuk lëviz asnjë presje nga deklaratat për grabitjen e 4100 m2 truall në mes të Tiranës.

Këlliçi paralajmëroi se në seancat e radhës do të informojë me fakte dhe prova të reja në lidhje me aferën korruptive kriminale, e cila si produkt ka një "fake" media si "Report TV", me mision shantazhimin, linçimin, shpifjen dhe fyerjen e kujtdo opozitari apo qytetari që guxon e flet për korrupsionin në Bashkinë Tiranë.

“Mirmëngjes miq me këtë meme të gatshme nga media që financohet nga inceneratori fantazmë i Tiranës.

Pajtimin në seancën e djeshme në gjyq e kam REFUZUAR unë, madje në mënyrë kategorike, me leçjanin Karlo Bollino.

Jam shprehur qartë dhe pastër se nuk i lëviz asnjë presje deklaratave apo qëndrimeve të mia publike për grabitjen e 4100m2 truall në mes të Tiranës dhe lënien pa asnjë shkollë të mesme të nxënësve në Njësinë nr.7.

Në seancat e rradhës do të kem mundësinë t’ju informoj me fakte e prova të reja në lidhje me këtë aferë korruptive kriminale e cila si produkt ka një Fake Neës Media si Report TV, me mision shantazhimin, linçimin, shpifjen dhe fyerjen e kujtdo opozitari apo qytetari që guxon e flet për korrupsionin në Bashkinë Tiranë!

Po deshi Karlua, le të nxjerrë audiot e gjykatës, që t’i rikujtohet mirë ky episod!”, shkruan Këlliçi./ CNA

Këlliçi nxjerr zbuluar Carlo Bollino-n: Pajtimin në gjyq e
Postimi i Këlliçit




Lajmet e fundit nga