web counter
LEXO PA REKLAMA!

SHKARKO APP

App Store
Google Play

Sa u pagua Alketa Petro për goditjen antiligjore të resortit me 5 yje në Moravë të Korçës

29 Maj 2024, 13:35, Aktualitet CNA
Sa u pagua Alketa Petro për goditjen antiligjore të resortit me 5 yje
Resorti "Montrelux" në Moravë

IKMT-ja lokale i ka kërkuar asaj qendrore dhe Policisë së Shtetit mbështetje që të ndërhyjë për ta prishur me pretendimin se ka ndërtim pa leje në resortin me 5 yje "Montrelux" në Moravë të Korçës.(lexo këtu)

Në fakt një histori e gjatë që ka filluar vite më parë që pas hapjes së hotelit pas një konflikti midis bashkëpronarëve, për pretendime sipërfaqesh e të tjera. 

Një hotel i ndërtuar, i hapur, një investim serioz, por palët kanë një konflikt dhe turpërisht në vend që shteti të jetë i paanshëm dhe palët që gjërat t’i zgjidhin proceduralisht, shteti ka mbajtur një anë, është përdorur, ka ndodhur edhe ngjarje kriminale në rrethimin e objektit.

Sa u pagua Alketa Petro për goditjen antiligjore të resortit me 5 yje
Resorti "Montrelux" në Moravë

Ndërkohë prej disa muajsh objekti është marrë peng nga një polici private në mënyrë antiligjore dhe Policia e Shtetit bënte sehir dhe tashmë IKMT-ja lokale ndërhyn.

Ndërhyn, edhe pse ka një vendim gjykate, edhe pse ka një procedurë të hapur brenda sistemit të drejtësisë, çështjen nën hetim, palët po diskutojnë dhe IKMT-ja merr kurajën dhe ndërhyn, edhe pse institucionet e specializuara sipas shkresës përkatëse thonë se nuk mund të goditen disa pjesë të hotelit. 

Sa u pagua Alketa Petro për goditjen antiligjore të resortit me 5 yje
Ekspertiza që e ndalon shembjen e pjesshme

Hoteli në fakt është totalisht i legalizuar, është në një zonë që nuk ka bërë asnjë dëm në ndërtim sepse ndodhet në zonë turistike, është jashtë qytetit, është në majë të malit, ndërkohë që shkohet dhe goditet.

Ky aksion vjen në ditën e shpalljes së sezonit turistik, në ditët e shpalljes së sezonit turistik. Pra, IKMT-ja ndërhyn në shkelje të ligjit në një objekt turistik duke shkatërruar anekse të saj. Ky si një shembull që do të ketë një sezon turistik të dështuar, të sulmuar dhe plot rrëmujë. (lexo këtu)

Kur gjithçka ka leje dhe legalizim, ka dhe procese gjyqësore, IKMT-ja shërben me të tillë shembuj që ngrenë çdo dyshim për veprime korruptive në shkelje të ligjit.

Sa u pagua Alketa Petro për goditjen antiligjore të resortit me 5 yje
Përfundimet e ekspertizës që e ndalon shembjen e pjesshme

Fatkeqësisht nuk shkohet dhe goditen thjesht disa centimetra, apo disa metra të këtij hoteli, apo dëmtimi i inatit mes palëve të cilët “për inat të vjehrrës shkojnë me mullixhiun”, janë të gatshëm ta shkatërrojnë edhe atë pjesë të pronës që u takon thjesht dhe vetëm se nuk dinë ta ndajnë dot, apo njëra apo pala tjetër nuk dinë të tërhiqen.

Sa u pagua Alketa Petro për goditjen antiligjore të resortit me 5 yje
Përfundimet e ekspertizës që e ndalon shembjen e pjesshme

Por ajo që bie në sy është ndërhyrja e IKMT-së lokale, e zonjës Alketa Petro si drejtuese e këtij institucioni. Është paguar Alketa Petro për të ndërhyrë? Çfarë e ka aktivizuar këtë individ, presionet e korrespondentëve lokalë të historive rozë të Vjollca dhe Lori Hoxhës apo diçka tjetër? (lexo këtu)

Ndonjë studio ligjore në Tiranë ku drejtuesi i saj, një 99-ç i vogël është bërë deputet dhe ka influencë të madhe te Ministria e Brendshme apo te strukturat drejtuese të Rilindjes?

Në fakt, kjo është një çështje që tashmë qartazi e çon të gjithën në SPAK, por jo thjesht dhe vetëm për shpërdorim detyre ndaj strukturave për korrupsionin, për bashkëpunimin me një grup kriminal, por për atë çfarë ka ndodhur që nga zyrat e regjistrimit të pasurive me falsifikime të dokumenteve, deri te goditja që i bëhet një strukture turistike ndoshta të vetmes në Qarkun e Korçës me 5 yje dhe të standardeve evropiane, duke shkelur ligjin, duke abuzuar me ligjin, edhe pse palët ndodhen në gjykatë. (lexo këtu)

Sa u pagua Alketa Petro për goditjen antiligjore të resortit me 5 yje
"Montrelux Resort"

Tashmë Alketa Petro mund t’u përgjigjet pyetjeve, mund të ketë një reagim sipas ligjit, por e vërteta është se nuk është tejkaluar ligji, por është shkelur dhe shërbimi që i bëhet një pale në konflikt në raste të tilla, është korrupsion dhe u përket hetimeve që duhet të bëjë SPAK-u.(lexo këtu)

Ndaj dhe sipas informacioneve që ka CNA, jo vetëm zonja Petro, por edhe zyrtarë të tjerë të përfshirë në këtë skandal kriminal dhe korruptiv do të kallëzohen një nga një në SPAK, jo thjesht dhe vetëm për shpërdorim detyre, por edhe duke u çuar fakte në lidhje me korrupsionin e tyre, shkelje të ligjit dhe njëanësinë me një nga palët në konflikt duke u shërbyer edhe historive rozë të mediave të paguara nga inceneratorët./CNA 





Lajmet e fundit nga