web counter
LEXO PA REKLAMA!

SHKARKO APP

App Store
Google Play

E fundit!

x

KLGJ shkarkon gjyqtaren e Elbasanit, të denoncuar për miqësi me bandat

29 Maj 2024, 13:08, Aktualitet CNA

KLGJ shkarkon gjyqtaren e Elbasanit, të denoncuar për miqësi me

Këshilli i Lartë Gjyqësor ka shkarkuar nga detyra magjistraten Zamira Vyshka, gjyqtare pranë Gjykatës së Shkallës së Parë të Juridiksionit të Përgjithshëm Elbasan.

Kështu, KLGJ ka pranuar kërkesën e Inspektorit të Lartë të Drejtësisë, i cili ka nisur hetimin disiplinor me iniciativë ndaj magjistrates, për kryerjen e veprës penale të “Korrupsioni pasiv i gjyqtarit, prokurorit, dhe i funksionarëve të tjerë të organeve të drejtësisë”.

Hetimi disiplinor i kryer nga inspektorët e ILD-së konkludoi se gjyqtarja është gjetur fajtore dhe është dënuar nga Gjykata e Posaçme e Shkallës së Parë dhe ajo e Apelit për Korrupsionin dhe Krimin e Organizuar.

“Ushtrimi i parregullt i detyrës nga ana e magjistrates, edhe për vetë natyrën e faktit penal të konsumuar, përbën shkelje shumë të rëndë disiplinore, e që ka sjellë pasoja për dhënien e drejtësisë, ka diskredituar rëndë figurën, autoritetin, dinjitetin si dhe është dëmtuar rëndë besimi i publikut te magjistrati dhe tek organet e drejtësisë”, thekson KLGJ.

Kujtojmë se Zamira Vyshka është denoncuar për lidhje me bandat e Elbasanit.

Ka qenë ish-shefi i policisë rrugore Elbasan, Fadil Mema, i cili ka rrëfyer për mediat këtë lidhje.

Sipas tij, Vyshka ka favorizuar në një proces gjyqësor fisin Çapja, duke nxjerrë të pafajshëm Sokol Çapjën, vendim ky që është marrë në vitin 1998.

Sipas rrëfimit të Fadil Memajt, Sokol Çapja ishte në një proces gjyqësor, pasi në vitin 1993, Sokoli së bashku me dy persona të tjerë kishte vrarë një person te parku “Rinia”./ CNA





Lajmet e fundit nga