LEXO PA REKLAMA!

SHKARKO APP

App Store
Google Play

“Rusia ka ndikim potencial dhe mund të shkaktojë dëme”/ Rama në Paris: Ballkani është i bashkuar

11 Nëntor 2022, 19:44, Aktualitet CNA
“Rusia ka ndikim potencial dhe mund të shkaktojë
Kryeministri Edi Rama në Paris

Kryeministri Edi Rama, gjatë fjalës së tij në “Forumin e Paqes” në Paris, ka deklaruar se pavarësisht Rusia ka një ndikim të madh dhe mund të shkaktojë dëme, Ballkani është i bashkuar.

Rama tha se një nga sfidat më të mëdha është çështja e Kosovës dhe Serbisë.

“Gjetja e një ekuilibri mes krizave është sfidë e madhe por këtu hyn në lojë barra e lehtë e të qenit kryeministër shqiptar dhe jo president i Francës se nuk duhet të zgjidhësh problemet e botës.

Dua të them se Ballkani deri tani ia ka dalë t’i qëndrojë larg luftës konvencionale duke qenë hallka më e brishtë e zinxhirit. Ne kemi dobësitë tona se e dimë që në Ballkan, Rusia ka ndikimin më të madh potencial dhe mund të shkaktojë dëme prej ndasive.

Kemi një çështje të madhe si Serbia dhe Kosova, paqja përfundimtare por është e rëndësishme të shihet se Ballkani është i bashkuar. Ne jemi në drejtimin e duhur. E di që nuk është e lehtë. Për shkak të asaj çka ndodhur vërtet në Ballkanin Perëndimor, ky është po kështu produkt i nxitjes që po jep Franca duke qenë nga njëra anë apo i perceptuar si më skeptik për zgjerimin por dhe më i përfshirë së fundmi në Ballkanin Perëndimor.

Më vjen keq zoti president, nuk isha më i shpejtë sa miqtë tanë. Tradita ka rëndësi. S’bëjmë dot asgjë për këtë”, tha Rama./ CNA.al

 

 

Lajmet e fundit nga