LEXO PA REKLAMA!

SHKARKO APP

Porti i Durrësit, në duart e një kompanie offshore?/ Rama "nuk heq dorë" nga rublat ruse

11 Nëntor 2022, 14:48, Aktualitet CNA

Porti i Durrësit, në duart e një kompanie offshore?/ Rama

Kryeministri Edi Rama u është kundërpërgjigjur akuzave të opozitës lidhur me marrëveshjen e portit të Durrësit. 

Përmes një statusi në "Twitter", Rama shprehet se synimi i opozitës është pengimi i një investimi transformues.

Ai gjithashtu i përmendi sërish Partisë Demokratike paratë e financimeve ruse.

"Akuzat haluçinante kundër një kompanie ardhja e së cilës është përveç të tjerash një imazh i ri fitues i Shqipërisë në arenën ndërkombëtare, janë tallja e radhës me ata shqiptarë që akoma i ndjekin pas këta të shitur, pa fe, pa atdhe, pa din e as iman…

Synimi i këtij sulmi të dëshpëruar është pengimi i këtij investimi të madh transformues për Durrësin dhe gjithë Shqipërinë, përmes intimidimit të një prej kompanive flamur të Emirateve të Bashkuara, të cilën e kemi sjellë me mbështetjen e Presidentit, Sheikh Muhammed Bin Zayed.

Sulmi haxhiqamilist i Aleancës së Rublave dhe bedelave të saj kundër projektit të Portit Turistik të Durrësit është një turp dhe një poshtërsi e madhe në dëm të interesit të vendit, ndërkohë që tërbimi shpifarak është prova se i kanë bërë vetë tërë pisllëqet që akuzojnë!"- shkruan Rama.

Porti i Durrësit, në duart e një kompanie offshore?/ Rama

Kujtojmë se ditën e sotme Partia Demokratike depozitoi në Gjykatën Kushtetuese padinë kundër aferës me portin e Durrësit. 

Më herët kreu i PD-së, Sali Berisha, denoncoi sërish megaaferën e portit, duke u shprehur se këtij investimi nuk i dihen 60% të aksionerëve.

"Vetëm trualli, tokë publike e portit, kushton 3 miliardë euro.
Vetëm ndërtimi i Dubait të Shqipërisë, kushton 3 ose katër miliardë euro.
Të gjitha këto nga një kompani ku 60 për qind të tyre nuk dihet se të kujt janë, se janë të Edi Ramës dhe Olsi Ramës.
Edi Rama nuk do të kishte mundur kurrë të fshihte 60 për qind të një kompanie miliardash po të mos ishte personalisht e tij.
Në këtë megaaferë, Edi Rama i ka dhënë vetes statusin e investitorit strategjik. I përjashtuar nga TVSH-ja dhe taksat e tjera.
Me këtë megaafera, Rama ka përjashtuar veten dhe vëllezërit Kariç nga taksa e infrastrukturës dhe taksat e tjera.
Me këtë megaaferë, Rama ka përdorur skemë identike me Lukashenkon e Minskut dhe vëllezërit Kariç.
Me këtë megaaferë, Rama ka shkelur nenet 70, 71 dhe 74 të MSA me Bashkimin Europian, që i imponojnë Shqipërisë, zbatimin e rregullave të konkurrencës, i imponojnë Shqipërisë rregullat e transparencës së plotë.
Me këtë megaaferë, Rama ka privuar Shqipërinë, por edhe BE-në dhe NATO-n nga porti mijëravjeçar. Komisioni i Transportit i BE e ka përcaktuar këtë port, si një nga dy portet strategjike në rajon.
Rama bëri përpjekje të turpshme për të përfshirë NATO-n në këtë aferë. Zëro interes nga NATO. Sekretari i Përgjithshëm e kuptoi se bëhet fjalë për një kurth korruptim të një njeriu që vjedh vendin e tij."- u shpreh më herët Berisha./CNA.al

 

Lajmet e fundit nga