web counter
LEXO PA REKLAMA!

SHKARKO APP

App Store
Google Play

E fundit!

x

Një ditë para protestës/ Sali Berisha bën thirrje për mobilizim

11 Nëntor 2022, 12:20, Aktualitet CNA

Një ditë para protestës/ Sali Berisha bën thirrje për

Kreu i Partisë Demokratike, Sali Berisha, një ditë para protestës së 12 nëntorit ka ftuar sërish qytetarët që të bashkohen dhe vërshojnë në shesh kundër kryeministrit Edi Rama.

Berisha tha se kjo qeveri po ua bën çdo ditë e më shumë të pamundur jetesën shqiptarëve, duke i bërë që të largohen nga atdheu.

“Zemërimi i qytetarëve po kulmon, po rritet çdo orë dhe me padurimin më të madh po presin protestën e nesërme në orën 4 si një ngadhënjim të plotë të popullit opozitar, si një dëshmi përfundimtare e vendimit të këtij populli për të mos pranuar kurrë më armikun e egër të votës së tyre të lirë të sillet siç është sjellë me ta, për të mos pranuar kurrë më një kryehajdut të të gjitha kohërave për t’i vjedhur e mjeruar ata, për të mos pranuar kurrë më tej një armik të qenies së tyre që po i përzë, po i dëbon çdo ditë nga Shqipëria”, tha Berisha.

"Shqiptarët e shohin se çfarë fjalori të ulët prej halabaku ordiner përdor ky njeri për opozitën. I mbrujtur me edukatën e babait dhe dajos xhelat, ky ka për kundërshtarin psikologjinë e xhelatit. Të gjitha këto janë temat e protestës. Nesër ora e shqiptarëve! Të gjithë në protestë!”- u shpreh Berisha./CNA.al





Lajmet e fundit nga