web counter
LEXO PA REKLAMA!

SHKARKO APP

App Store
Google Play

E fundit!

x

Rruga në Staten Island merr emrin e heroit Isa Boletini/ Këlliçi: Askush më mirë se ai nuk e mishëron qëndresën

1 Dhjetor 2025, 15:26, Aktualitet CNA

Rruga në Staten Island merr emrin e heroit Isa Boletini/

Deputeti i PD-së, Belind Këlliçi, ka qenë në New York në ceremoninë e emërtimit të njërës prej rrugëve kryesore në Staten Island me emrin e heroit tonë kombëtar, Isa Boletini.

Këlliçi u shpreh se diaspora shqiptare në SHBA ka luajtur një rol historik të pazëvendësueshëm në shtetformimin shqiptar, në ruajtjen e vlerave kombëtare ndër breza, në ndihmën konkrete ndaj kombit.

Deputeti nënvizon se figura e Isa Boletinit si një ndër heronjtë më të spikatur dhe vetëmohues të veprës madhore të Pavarësisë, meriton të nderohet brenda dhe jashtë vendit, kudo ku ka shqiptarë.

“I nderuar që mora pjesë krah përfaqësuesve të Bashkisë së New York-ut dhe personaliteteve të diasporës shqiptaro-amerikane në ceremoninë e emërtimit të njërës prej rrugëve kryesore në Staten Island, New York, me emrin e heroit tonë kombëtar Isa Boletinit.

Diaspora shqiptare në SHBA ka luajtur një rol historik të pazëvendësueshëm në shtetformimin shqiptar, në ruajtjen e vlerave kombëtare ndër breza, në ndihmën konkrete ndaj kombit amë.

Figura e Isa Boletinit, si një ndër heronjtë më të spikatur dhe vetëmohues të veprës madhore të Pavarësisë, meriton të nderohet brenda dhe jashtë vendit, kudo ku ka shqiptarë.

Askush më mirë se ai nuk e mishëron qëndresën, trimërinë dhe largpamësinë politike të prijësve shqiptarë nga Kosova në kohërat e turbullta të shtetit të brishtë shqiptar. Thënia e tij epike 'Unë jam mirë kur asht Shqypnia mirë', do të jetojë në breza e shekuj si simboli më i lartë i atdhedashurisë dhe ndërgjegjes kombëtare.

Ky përurim vjen dy vite pas emërtimit të një tjetër rruge në New York me emrin e Ismail Qemalit, themeluesit të shtetit shqiptar.

Falënderoj nga zemra bashkatdhetarët e Amerikës dhe miqtë tanë amerikanë për këtë nderim dhe lidhje të ngushtë shpirtërore me popullin shqiptar!

Kënaqësi e veçantë që në këtë ceremoni pata mundësinë të takohem edhe me disa prej pasardhësve të Isa Boletinit, Mimozën, Merlinin dhe Kushtrimin.

Nderim përjetë Isa Boletinit.

Zoti e bekoftë miqësinë shqiptaro amerikane”, shkruan Këlliçi.





Lajmet e fundit nga