web counter
LEXO PA REKLAMA!

SHKARKO APP

App Store
Google Play

Rritja e çmimit të naftës/ Masat që do të merren për monitorimin e përditshëm të tregut

10 Mars 2026, 16:29, Aktualitet CNA

Rritja e çmimit të naftës/ Masat që do të merren

Ministrja e Ekonomisë dhe Inovacionit, Delina Ibrahimaj, ministri i Financave, Petrit Malaj dhe ministri i Infrastrukturës dhe Energjisë, Enea Karakaçi kanë zhvilluar sot një takim me kompanitë kryesore të hidrokarbureve dhe drejtuesit e Shoqatës së Hidrokarbureve.

Në fokus të diskutimeve në takim ishte rritja e çmimeve të naftës dhe benzinës për shkak të situatës në Lindjen e Mesme.

Ministrja Ibrahimaj ka njoftuar gjithashtu se do kryhet monitorimi i përditshëm i tregut, duke analizuar lidhjen mes çmimeve të bursës dhe çmimeve në tregun vendas, si dhe duke rritur transparencën me operatorët dhe publikun.

Gjithashtu, Ministria e Financave do të ngrejë një task-forcë të përbashkët me Tatimet dhe Doganat, për të monitoruar marzhet e fitimit në gjithë zinxhirin e tregtimit të hidrokarbureve.

Njoftimi i plotë:

Zhvilluam, bashkë me Ministrin e Financave, z. Petrit Malaj, si edhe me Ministrin e Infrastrukturës dhe Energjisë, z. Enea Karakaçi, një takim me kompanitë kryesore të sektorit të hidrokarbureve dhe drejtuesit e Shoqatës së Hidrokarbureve.

Në fokus të diskutimit ishte analiza e ecurisë së çmimeve në bursën Platts të Mesdheut, si referencë për gazoilin dhe benzinën, si dhe raporti mes çmimeve të importit, çmimeve të shitjes me shumicë dhe atyre të pakicës në tregun vendas.

Do të forcojmë monitorimin e përditshëm të tregut, duke analizuar vazhdimisht lidhjen mes çmimeve të bursës dhe çmimeve në tregun vendas, si dhe duke rritur transparencën me operatorët dhe publikun.

Nga ana tjetër, Ministria e Financave do të ngrejë një task-forcë të përbashkët me Tatimet dhe Doganat, për të monitoruar marzhet e fitimit në gjithë zinxhirin e tregtimit të hidrokarbureve.

Do të vijojmë monitorimin e përditshëm të tregut dhe bursave ndërkombëtare, me qëllim ruajtjen e stabilitetit të tregut dhe mbrojtjen e interesit të konsumatorëve shqiptarë. /CNA





Lajmet e fundit nga