web counter
LEXO PA REKLAMA!

SHKARKO APP

App Store
Google Play

Rikthimi i basteve/ Fidel Ylli, ‘shuplakë’ Erion Braçes: Shiko ligjet europiane

5 Shtator 2022, 12:24, Aktualitet CNA
Rikthimi i basteve/ Fidel Ylli, ‘shuplakë’ Erion Braçes:
Kreu i Komitetit Olimpik Shqiptar, Fidel Ylli

Kreu i Komitetit Olimpik Shqiptar, Fidel Ylli, ka folur për përfitimiet që do të kishte rikthimi i basteve online.

Sipas Yllit do të shërbente që të ndërtoheshin fusha jo vetëm në Tiranë, por në të gjithë vendin.

Ndër të tjera ka komentuar edhe deklaratat e ish-zëvendëskryeministrit Erion Braçe duke thënë se e kishte në dorë t’i mbyllte bastet në të zezë kur ishte në detyrë dhe kur po lulëzonin.

Sipas Yllit, përgjigjja për Braçen janë kompanitë e basteve në vendet europiane që kanë ligje për këtë sektor.

Ai thekson edhe një herë, se paratë duhet të kontrollohen nga shteti dhe të bëhen investime në sport dhe kulturë.

“Nuk bëhet sport vetëm në Tiranë, por edhe në Tropojë, Dibër, Burrel, dhe do ta shikoni se ekipet nëpër shkolla do të gëlojnë në palestra.

Komenti im është ky. Nuk mund të analizoj se ça ka thënë ish-zëvendëskryeministri që e kishte për detyrë për t'i mbyllur në kohën kur lulëzonte.

Ne themi që të jenë të kontrolluara dhe paratë t’i kontrollojë shteti. Unë i them zotit Braçe dhe Braçeve të tjerë të marrin ligjet europiane, dhe iu them po Franca mos është e marrë që ka ligjet e basteve. Po Gjermania, Italia, janë të marra që kanë kompani bastesh.

Ne themi t’i kontrollojë shteti dhe t’ia japë rinisë”, tha Ylli. / CNA.al





Lajmet e fundit nga