web counter
LEXO PA REKLAMA!

SHKARKO APP

App Store
Google Play

Reshje shiu intensive, stuhi bore dhe ngrica/ Moti i keq do të përfshijë Shqipërinë, njoftimi i ekspertëve

24 Nëntor 2023, 19:05, Aktualitet CNA

 

Agjencia Kombëtare e Mbrojtjes Civile ka bërë me dije se moti i keq do të përfshijë vendin ditën e nesërme.

Njoftohet se pritet të ketë reshje shiu intensive që do të ndikojnë në disa pjesë të vendit tonë.

Sipas ekspertëve të Institutit të Gjeoshkencave 'IGJEO' gjatë ditës së nesërme parashikohen reshje shiu të herëpashershme që në orët e para të 24- orëshit në pjesën më të madhe të vendit.

Këto kushte mund të sjellin probelmatikë të ndryshme si dhe vërshime të ujit në zonat urbane në varësi të sistemit të kanalizimeve në qarqet Shkodër, Kukës  dhe Lezhë. Sasia e reshjeve pritet të jetë më intensive në qarqet Shkodër, Kukës dhe Lezhë. Në qarqet Dibër, Elbasan, Berat dhe Vlorë priten reshje shiu me intensitet mesatare deri lokalisht intensive.

Reshje shiu me intensitet të ulët deri në mesatar priten në qarqet e tjera. 

Hera-herës reshjet pritet të jenë në formën e shtrëngatave shoqëruar me shkarkesa elektrike.

Në verilindje-lindje në lartësin mbi 200-300 metra dhe në pjesën tjetër të vendit në lartësinë mbi 700-800  metra reshjet pritet të jenë në formën e dëborës me intensitet të ulët deri mesatar. Në verilindje-lindje hera-herës reshjet e borës pritet të jenë edhe në formën e stuhive të dëborës.  

Në datën 26.11.2023, parashikohet ndërprerja e reshjeve të shiut dhe në zonat malore në lartësinë mbi 200-300 dhe juglindje në lartësinë mbi 700-800 metra, reshje bore deri në orët e mëngjesit me intensitet të ulët më pas pritet ndërprerja e tyre. 

Priten ngrica të forta përgjatë akseve rrugore kryesisht në zonat malore.

Në këtë kohë, bashkitë të mobilizojnë strukturat operacionale dhe të mbajnë në gadishmëri mjetet për t'ju ardhur në ndihmë qytetarëve në raste nevoje.

Nëse hasni në ndonjë situatë emergjente, ju lutemi të kujdeseni për veten tuaj dhe për të tjerët. Numri i emergjencave 08000911 është gati për t'ju ndihmuar dhe për t'ju ofruar këshilla në kohë reale.





Lajmet e fundit nga