web counter
LEXO PA REKLAMA!

SHKARKO APP

App Store
Google Play

“Rama, një armik i demokracisë”/ Boçi: 11 shkurti një mision, ejani të gjithë në protestë

10 Shkurt 2023, 21:07, Aktualitet CNA
“Rama, një armik i demokracisë”/ Boçi: 11 shkurti
Nënkryetari i PD-së, Luçiano Boçi

Nënkryetari i PD-së, Luçiano Boçi iu ka bërë thirrje të gjithë qytetarëve që të bashkohen në protestën e 11 shkurtit para Kryeministrisë.

Boçi e ka cilësuar 11 shkurtin, jo thjesht një datë proteste por një mision që shqiptarët duhet ta ndërmarrin sepse është në pikëpyetje e ardhmja e tyre.

“Protesta si mision për çdo shqiptar

Në gjithë këto vite opozita ka ndezur gjithnjë nervin e reagimit dhe ka organizuar protesta nga më masivet që ka pasur Shqipëria. Kemi besuar dhe jemi përfshirë në çdo betejë që ka pasur në qendër të saj interesin e qytetarëve. Kemi denoncuar dhe faktuar nga dita e parë në opozitë se Edi Rama është një e keqe për fatet dhe të ardhmen e këtin vendi.

Të shtunën në orën 12:00 Partia Demokratike do të jetë në bulevard!  Deputetë, demokratë, anëtarë, simpatizantë, qytetarë do t'i përgjigjen nesër një thirrjeje që tejkalon përmasat e një force politike!

11 shkurti është përtej një date! E nesërmja është një mision që shqiptarët duhet ta ndërmarrin sepse në pikpyetje është e ardhmja e tyre. Me aktin e tij për eleminimin e opozitës dhe Partisë Demokratike, Edi Rama e ka humbur të drejtën për të qenë kryeministër i këtij vendi! Për demokratët dhe shqiptarët Edi Rama është një armik i demokracisë!

Ejani të gjithë nesër në protestë “, shkruan Boçi./ CNA.al





Lajmet e fundit nga