web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Kryemadhi nxjerr videon, thirrja urgjente për SPAK-un

10 Shkurt 2023, 15:46, Aktualitet CNA
Afera e inceneratorëve/ Kryemadhi nxjerr videon, thirrja urgjente për
Monika Kryemadhi, deputete

Deputetja Monika Kryemadhi ka publikuar një video në rrjetet sociale, duke akuzuar kryebashkiakun Erion Veliaj se paguan inceneratorin pa marrë shërbimet e faturuara.

Në një reagim në "Facebook", Kryemadhi shkruan se inceneratori i Tiranës është shembulli i pastër se si Veliaj vjedh hapur dhe me paratë bën propaganda me regji të komanduar.

Sipas deputetes nuk bëhet as përpunim mbetjesh, nuk ka as standarde, dhe nuk po tregohet kujdes për shëndetin e qytetarëve.

Ndër të tjera, Kryemadhi i ka bërë thirrje SPAK-ut të veprojë sa më parë sepse çdo vonesë është vjedhje ndaj çdo shqiptari.

“Shikojeni se si mashtruesi më i madh që ka parë Tirana, paguan inceneratorin pa marrë shërbimet e faturuara. Video është e ditës së sotme.

ZERO përpunim mbetjesh!

ZERO standarde.

ZERO kujdes për shëndetin e banorëve të Tiranës.

Inceneratori i Tiranës është shembulli i pastër se si Erioni vjedh hapur me arrogancë çdo ditë. E me ato para ju tall me propagandën boshe me regji të komanduar.

Kjo qeveri nuk meriton asnjë sekondë më shumë!

I bëj thirrje SPAK-ut të veprojë sa më parë dhe se çdo vonesë është vjedhje ndaj çdo shqiptari”, shkruan Kryemadhi./ CNA.al





Lajmet e fundit nga