web counter
LEXO PA REKLAMA!

SHKARKO APP

App Store
Google Play

E fundit!

x

Afera e inceneratorëve/ Sejamini: Të përfshirë drejtorë, ekonomistë dhe sekretarë

9 Shkurt 2023, 22:43, Aktualitet CNA

Afera e inceneratorëve/ Sejamini: Të përfshirë

Gazetari Neritan Sejamini ka folur për aferën e inceneratorëve dhe hetimet e SPAK lidhur me këtë çështje.

Në një intervistë për gazetarin Ylli Rakipi ai tha se SPAK duhet të hetojë fillimisht zyrtarë të administratës pasi sipas tij në këtë aferë janë përfshirë drejtorë, ekonomistë, sekretarë dhe që të gjithë kanë shkelur ligjin.

Më tej Sejamini  theksoi se hetimet duhet të fillojnë pikërisht nga këta persona të cilët i ka cilësuar si “peshku i vogël” dhe më pas të fillojnë hetimet për "peshqit e mëdhenj". 

"Ka një këndvështrim që nuk flasim asnjëherë, çështja e administratës publike. Po të isha unë do ta filloja nga peshku i vogël.

Kemi një grua që i çon një letër qeverisë dhe mblidhen të gjithë bëjnë procedura nga hiçi, për një person që nuk ka as para dhe asgjë. Janë përfshirë drejtorë, ekonomistë, sekretarë, të gjithë janë përfshirë duke shkelur ligjin. Do ta filloja nga këta. Nga i pari që ka shpallur emergjencën mjedisore. As incenerator nuk ka hyrë në punë dhe as ka patur emergjencë. Pas tetë vitesh, kjo e emergjencës mjedisore ka qenë justifikim.

Të gjithë këto procedura, bëhen shkresa dhe janë bërë në shkelje me ligjin. Ne kemi një administratë që në vend t'i bindet ligjit, i bindet ministrit. Kush janë ata që kanë firmosur? Para se të vejë te shefi, e siglon edhe vartësi. Ku janë këta persona? Çfarë po heton SPAK-u? Sa nga këta janë arrestuar?

Po të hetohej kjo, peshku i vogël nxjerr peshkun e madh. Peshku i vogël nuk përfiton gjë dhe nxjerr peshkun e madh",  tha ai.

Ndër të tjera ai e quajti administratën e vendit të kalbur, një administratë që sipas tij i shërben politikës dhe vjedhjes./CNA.al

 





Lajmet e fundit nga