web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i Artan Hoxhës/ Do publikoj audio-regjistrimin e plotë për 21 janarin

9 Shkurt 2023, 22:39, Aktualitet CNA
Paralajmërimi i Artan Hoxhës/ Do publikoj audio-regjistrimin e
Gazetari Artan Hoxha

Disa javë më parë, gazetari Artan Hoxha publikoi transkriptin e një bisede mes ish-shefit të Gardës, Ndrea Prendit dhe vartësve të tij në 21 janar të 2011-ës.

Por siç ka deklaruar edhe më herët, ajo nuk ishte biseda e plotë e regjistruar në formatin audio nga biseda në radio e Prendit me vartësit.

Mbrëmjen e sotme, ai paralajmëroi se do të publikojë audio-regjistrimin e plotë të të gjithë komunikimit në 21 janar, kur u vranë 4 protestues në bulevardin “Dëshmorët e Kombit”.

"Ne kërkuam që kjo çështje, që nuk është hetuar mirë dhe Prokuroria e Tiranës nuk e bën dot, pasi duhen thirrur të gjithë zyrtarët e lartë. Në moment që e merr SPAK-u do ti vihej në dispozicion këtë provë.

Ata bënë dy kallëzime, Ministria e Drejtësisë dhe Partia Socialiste, ndërkohë që nuk kishin nevojë për kallëzime të reja sepse ishte çështja.

Kur bëhet një kallëzim, prokurorja e merr dhe kthen përgjigje. Në këtë rast prokurorja e ka parë dhe ka thënë nuk mund të hetojnë dy prokurori të njëjtën gjë.

Kur dhashë deklarime në Policinë Gjyqësore, ata hetuesit më kërkuan, na jepni materialin se ja cojmë ne SPAK-ut. Ne ia çuam SPAK-ut dhe thanë jo duhet ta marrin ata poshtë. Nuk është vetëm ajo pjesë që kam nxjerrë, ka edhe të tjera.

Deri në zgjedhjet lokale, askush nuk është i interesuar që kjo çështje të zbardhet. Sot jemi në pjesën, që oficerët e policisë gjyqëore, thonë a do na i sillni atë? Aty u zhduk serveri…

Ne do ta transmetojmë patjetër, këtu në emisionin "Të Paekspozuarit". Këta të merren sa të duan me lojën e prokurorisë dhe SPAK, por çfarë do të bëjnë me të vrarët, sepse i kanë pa autor?", theksoi gazetari./ B.A. – CNA.al





Lajmet e fundit nga