web counter
LEXO PA REKLAMA!

SHKARKO APP

App Store
Google Play

E fundit!

x

Rama: Marrëdhënia ime me krishtërimin më ndihmon të shoh pa rezervë fetë e tjera

5 Prill 2026, 21:40, Aktualitet CNA

Rama: Marrëdhënia ime me krishtërimin më ndihmon të

Kryeministri Edi Rama ka folur mbrëmjen e sotme lidhur me librin e tij “Në Sofrën e Hënës”, një përmbledhje e fjalimeve që ka mbajtur gjatë darkave të Iftarit.

Në një intervistë për Top Channel, Rama ka folur lidhur me marrëdhënien e tij me fenë, ku tha se e ndihmon të shohë dhe të kuptojë pa rezerva fetë e personave të tjerë.

“Shiko unë jam pagëzuar katolik nga gjyshja ime katolike dhe ky është një fakt. Jam i krishterë nga familja dhe ky është një fakt. Por unë nuk jam në rreshtin e të krishterëve që zënë radhën për të hyrë në derën e Kishës dhe i nënshtrohen ritualeve të tyre, sepse nuk e kam kështu të konceptuar marrëdhënien me fenë. Kështu që kjo më ndihmon që të shoh pa asnjë rezervë edhe fetë e të tjerëve dhe të kuptoj tek fetë e të tjerëve faktikisht reflektohet i njëjti Zot. Dhe në fund të ditës librat e shenjtë duken të shkruar nga i njëjti autor, që është një dhe i vetëm. Në këtë drejtim kam krijuar edhe idenë për të ndërtuar Parkun e Besimit dhe për të krijuar atë hapësirë ku nuk ka Kisha, nuk ka Xhamia, nuk ka Sinagoga dhe tempuj të tjerë, por ku përmes luleve, përmes pemëve, përmes frutave, përmes tregimeve të librave të ndryshëm të shenjtë, ti njihesh në një mënyrë tjetër me fetë e ndryshme dhe ndërkohë tavan ke qiellin që i bashkon të gjithë dhe jo tavanin e Kishës apo Xhamisë”, u shpreh Rama

I pyetur se kur do të jetë libri i tij i radhës, Rama tha: “Nuk e kam një plan, por do vijë vetë”. /CNA





Lajmet e fundit nga