web counter
LEXO PA REKLAMA!

SHKARKO APP

App Store
Google Play

Në vigjilje të Pashkës/ Arqipeshkvi Arjan Dodaj, mesazh besimtarëve

4 Prill 2026, 14:19, Aktualitet CNA

Në vigjilje të Pashkës/ Arqipeshkvi Arjan Dodaj, mesazh

Në vigjilje të Pashkës katolike, Arqipeshkvi i Tiranës dhe Durrësit, Imzot Arjan Dodaj, ka ndarë një mesazh për të gjithë besimtarët shqiptarë.

Imzot Dodaj tha se Shqipëria ka nevojë për burra dhe gra që e duan këtë tokë dhe popullin e saj jo me fjalë, por me jetë të jetuara këtu. Gjatë fjalës së tij, Arqipeshkvi kishte një mesazh edhe për politikanët në vendin tonë.

"Prandaj sot është thelbësore të mos dorëzohemi përballë së keqes, por të mbjellim shpresë konkrete. Shqipëria ka nevojë për burra dhe gra të ndershme, që e duan këtë tokë dhe popullin e saj jo me fjalë, por me jetë të jetuara këtu. Ka nevojë për ndërgjegje reaguese, që nuk e pranojnë korrupsionin dhe padrejtësinë dhe mënjanimin si diçka normale. Është ky një urim për të gjithë dhe akoma më shumë për ata që mbajnë përgjegjësi politike, ekonomike dhe shoqërore, që të shohin me largpamësi dhe përgjegjësi të ardhmen e vendit, pasi ata janë të parët që nga ky vend kanë pasur shumë nga të mirat, nga të cilat gëzohen apo krenohen, por dielli nuk lind vetëm për ata. Dielli dhe drita, pasuritë e këtij vendi janë për të gjithë, pasi Zoti na ka besuar një pasuri dhe përgjegjësi për të cilën do të japim llogari. Jemi të thirrur të jemi administratorë, dhe jo pronarë të vendit dhe pasurive të tij”, u shpreh Imzot Arjan Dodaj.

Kujtojmë se besimtarët marrin pjesë sonte në meshën që mbahet në Katedralen e “Shën Palit” në kryeqytet, nën udhëheqjen e Arqipeshkvit Metropolit, Imzot Arjan Dodaj. Mesha nis sot në orën 21:45 dhe zgjat deri në orën 01:30 të mëngjesit të nesërm. Një natë më parë qindra besimtarë katolikë u mblodhën në sheshin “Nënë Tereza” në Tiranë ku kremtuan Udhën e Kryqit. /CNA





Lajmet e fundit nga