web counter
LEXO PA REKLAMA!

SHKARKO APP

App Store
Google Play

Protestat/ Berisha: Nuk kanë dhënë rezultatin maksimal që donim, por do të vijojnë

4 Prill 2026, 12:50, Aktualitet CNA

Protestat/ Berisha: Nuk kanë dhënë rezultatin maksimal që

Kryetari i Partisë Demokratike, Sali Berisha, në bashkëbisedimin me qytetarët në rrjetet sociale ka komentuar paralajmërimin e ambasadës amerikane në Tiranë në lidhje me sulmet e mundshme nga Irani. Sipas tij, nuk ka vend për panik, por duhet pasur kujdes dhe vëmendje të shtuar.  

“Ky njoftim nuk mund të jetë pa baza dhe duhet patur parasysh një vëmendje më e veçantë në grumbullime dhe kudo”, tha Berisha.

Më tej foli për përgatitjet për zgjedhjet lokale që do të mbahen vitin e ardhshëm. Ai u shpreh se PD do të bëjë gjithçka për të nxjerrë kandidaturat më të mira.

“Opozita ka filluar punën dhe së shpejti përfundon procesin e analizës dhe zgjedhjeve brenda partisë. Ndërkohë që po mendohet, po punohet edhe për zgjedhjet lokale. Pra, nuk do të jenë dy muaj përpara, ju siguroj do të jenë shumë më herët se zgjedhjet e fundit dhe ne do të bëjmë gjithçka për kandidaturat më të mira”, tha kreu i PD-së.

Ndër të tjera, është pyetur nga komentuesit për protestat e opozitës, ku tha se nuk kanë pasur rezultatin që donin, që sipas tij ishte largimi i kryeministrit Edi Rama, por shtoi se kanë dhënë efekt. Gjithashtu paralajmëroi se kryengritja e tyre paqësore do të vijojë.

“Lidhur me rezultatin, besoj se duhet të analizojmë me gjakftohtësi. Ju e keni dëgjuar se si zyrtarë lobistë antishqiptarë kanë guxuar dhe janë shprehur se korrupsioni është pjesë e kulturës së shqiptarëve. I faktuam botës se shqiptarët nuk janë komb që kanë kulturë korrupsioni. Ato protesta kanë pasur jehonën më të madhe. Nuk kanë pasur efektin maksimal që do të donim, përmbysjen, por kanë pasur efektin e damkosjes së regjimit. Ne nuk vijmë në pushtet me dhunë, do të vazhdojmë kryengritjen deri në largimin e Edi Ramës”, tha Berisha. /CNA





Lajmet e fundit nga