web counter
LEXO PA REKLAMA!

SHKARKO APP

App Store
Google Play

"Shqiptarëve ju ka buzëqeshur fati"/ Rama ironizon opozitën: Luli flinte, po këto tjerët ku janë

3 Prill 2026, 17:56, Aktualitet CNA

"Shqiptarëve ju ka buzëqeshur fati"/ Rama ironizon

Kryeministri Edi Rama ka marrë sot pjesë në një takim të Asamblesë së Partisë Socialistë në njësinë nr.3 në Tiranë. Rama foli lidhur me procesin e integrimit në Bashkimin Europian, ku tha se Shqipërisë i ka buzëqeshur fati.

“Në historinë tonë, asnjëherë fati nuk i ka buzëqeshur shqiptarëve si tani, kurrë, asnjëherë! Për herë të parë, nuk jemi vetëm ne që duam të bëhemi pjesë e Bashkimit Europian, por është edhe Bashkimi Europian që do të na bëjë pjesë të vetën realisht, jo me fjalë. Se me fjalë e kanë thënë që ditën e parë: “Ne ju duam këtu, se ju jeni si ne, e ardhmja juaj është këtu.” Po u bënë vite e vite që i kam dëgjuar unë ata që i thoshin këto; i kisha të gjitha flokët, i kisha të zeza, e tani mund të shikoni vetë çfarë ka mbetur. Ndërsa tani, ata e besojnë këtë gjë, e duan këtë gjë dhe ne kemi fituar respekt dhe besim. Çfarë do të thotë kjo? Do të thotë që ne duhet të shfrytëzojmë këtë kohë që kemi tani, për sa kohë ata e kanë derën hapur", u shpreh Rama.

Ndër të tjera ai ka folur edhe për nisjen e punës për zgjedhjet e ardhshme, ku tha se PS gjithmonë ka nisur e para përgatitjet për procesin zgjedhor. Gjatë fjalës së tij ka ironizuar dhe Lulzim Bashën dhe opozitën.

“Ne duhet të jemi të vetëdijshëm për një gjë që na ka ardhur në dorë: që ne të bëjmë histori këtu. Kjo është histori. Prandaj ky proces që kemi filluar, sigurisht që lidhet me fillimin e punës për zgjedhjet e ardhshme, se ne këtë punë kemi bërë gjithmonë. E kemi filluar gjithmonë përpara. Ata ku janë tani? Ja tani, në këtë orë që po flasim ne, ku janë ata? Mos janë duke fjetur gjumë se Luli po, po ata të tjerët ku janë? Janë nëpër kafe, janë në shtëpi. Me siguri nuk janë duke bërë një takim tani se si do të organizohemi ne”, u shpreh Rama. /CNA





Lajmet e fundit nga